Funsionariu nain 10 kompostu feto nain 2 no mane nain 8 husi Diresaun Jeral Ordenamentu Teritóriu Ministériu Planu no Ordenametu (MPO) sei ba tuir formasaun iha área teknolojia Informátika no Mapamentu iha Sentru Formasaun Lentera Praditya Ganapatih-Indonézia presiza la’o ho útil no iha aproveitamentu. Partisipantes sira tenki aproveita oportunidade atu aprende materia durante formasaun hodi mellora di’ak liu tan sira nia kapasidade, nune’e bainhira fila mai bele implementa ba iha instituisaun ne’ebé sira servisu ba.
Diretor Nasionál Planeamentu kuadru pessoal Funsaun Públika, Fransisco da costa Pereira hato’o mensajen ne’e bainhira reprezenta Komisaun Funsaun Públika partisipa iha serimónia asina akordu memorandum entendementu (MOU) no Technical Agreement entre Diresaun Jeral Ordenamentu Teritoriu iha MPO ho Sentru Formasaun Lentera Praditya Ganapatih –Indonézia iha salaun enkontru ADN I.P iha tersa feira (4/04/2023).
Fransisco da costa Pereira subliña, orsamentu ne’ebé Estadu no Governu preve ba programa formasaun iha valor bainhira benefisiariu sira utiliza oportunidade ho responsabilidade hodi ba aprende hasae kapasidade mellora koñesimentu, dezempeñu di’ak liu tan iha diresaun ga instituisaun ne’ebé sira servisu ba. Husu mós atu formasaun ne’e presiza iha planu kontinuidade no akompañamentu husi sentru formasaun no instituisaun relevantes sira hodi ezije ba partisipantes sira atu oinsá bele implementa esperensia sira ne’ebé hetan durante formasaun iha sentru formasaun sira. Rekomenda mós ba Sentru Formasaun Lentera Praditya Ganapatih –Indonézia bainhira remata formasaun presiza halo mós planu kontinuidade ba rezultadu formasaun ne’ebé Timor-Leste sai hanesan benefisiariu li-liu ba Ministériu Ordenamentu Teritoriu.
Formasaun ne’e sei foka liu ba área espesializada iha Jogyakarta, Indonézia hahú (8 -12 maiu 2023).
Akordu MOU no Technical Agreement husi Timor Leste asina husi Diretor Jeral Oredenamentu Teritório, Deolindo da Silva, Diretor Jeral INAP, Agostinho Letêncio de Deus no Diretor Ezekutivu FDCH, Cristovão dos Reis no Fengky nu’udar responsavel máximu husi Sentru Formasaun Lentera Praditya Ganapatih Indonézia.
Komisaun Funsaun Públika partisipa iha workshop kona-ba Implementation of Meritocracy Principles through Talent Management ne’ebé…
Timor-Leste ofisialmente asina deklarasaun hodi sai membru ASEAN ba dala XI ne’ebé ofisialmente asina husi…
Sesta-feira, 24/10/2025, Ekipa kuadrilateral kompostu husi KFP, KAK, IGE no PDHJ halo vizita surpreza ba…
Komisaun Funsaun Públika (KFP) audiensia ho Komisaun A ne’ebé haree ba asuntu konstitusionais no justisa…
Promosaun por antiguidade ba tinan ne’e funsionárius nain rihun tolu resin mak sei promovidu no…
Ataúro – Provedor Provedoria Direitus Umanus no Justisa (PDHJ), Komisáriu KFP ba portfóliu Disiplinár, Adjuntu…