Comissão da Função Pública

IX Governu Konstitusional sai objetivu prinsipal prinsipal ida klaru tebes ba funsionáriu públiku sira ba iha funsaun públika mak reforma jestaun rekursu umanus iha funsaun públika nian ne’ebé iha legislasaun lubun ida ne’ebé mak preparadu ona sei ba iha Parlamentu Nasional hodi halo diskusaun no hola parte iha reforma funsaun públika, dehan Sekretaria Estadu Igualidade, Elvina Sousa Cardoso iha nia  diskursu iha segunda-feira, (07/10/2024) iha isar bandeira ba loron ne’e inspetor serimónia iha Palásiu Governu.

Nia hateten, objetivu prinsipal ba IX Governu Konstitusional ba reforma ne’e hodi hadia, hodi bele atinji elementu importante iha funsaun públika mak funsionárius públikus bele haforsa, kontribui ho profisionalizmu no sai hanesan save importante ida iha Estadu ida ne’e hodi atende ho domin, ho oin mamar,  hadook aan husi hahalok korupsaun, nepotizmu, kolusuan no mós hahalok sira ne’ebé mak la professional hodi la kontribui iha objetivu boot husi IX Governu Konstitusional nian iha reforma funsaun públika.

Iha serimonia isar bandeira ba loron ne’e inspetor serimónia Sekretaria Estadu Igualidade, Elvina Sousa Cardoso iha nia  diskursu hateten, ohin loron importante tebes ba funsionáriu publiku sira hotu antes atu hahú servisu, ba fulan ne’e hahú ho eventu isar bandiera ne’e hodi fanu fila fali it ania espíritu nasionalizmu, ita nia vontade atu halo servisu ba fulan ne’e nia laran.

Inspetor Serimónia hato’o mensajen ne’e ba funsionárius públikus  atu kontinua hafanu ita hotu ni espíritu serví, serví ho domin ba rai ida ne’e, tanba rai ida ne’e ema barak mate no sakrifika aan ba hodi hetan independensia.