Comissão da Função Pública

Espíritu ukun rasik an la mate, inklui serku anikilamentu sira ne’ebé mak harahun baze apoiu, ezistensia baze apoiu nu’udar eskola boot ida ba Timor oan tomak aprende buat hotu kona-ba saida mak ukun rasik an, opresaun, tortura, mate. Wainhira tun mai sidade espíritu kontinua sai nu’udar forsa motivadora ne’ebé manifesta ho maneira estratejia oi-oin de’it. Tanba de’it hakarak atu ukun rasik an esplika Prezidente KFP nu’udar joven rezisténsia ne’ebé hola parte iha tempu ne’ebá, ne’e’bé mak sita prinsipal kona-ba ezisténsia UNETIM no nia papél iha luta rezistensia nian.

Iha programa ne’e Prezidente KFP haktuir ninia istória nu’udar joven ida iha tempu rezisténsia nian, maske ho situasaun difisil maibé ho de’it espíritu nasionalizmu, patriotizmu ba espíritu ukun rasik an nian hodi defende independensia nian no tane as valores no prisipiu sira ba ukun rasik an.

Haklean nia, wainhira nia ho idade 14 anos komesa involve an iha funu hodi kaer kilat hasoru inimigu, iha rezisténsia nian ne’e tempu ne’ebé disiplina, pontual, respeita, tenta estuda situasaun hotu hodi hasoru inimigu.

Prezidente KFP hanesan joven luta nain ida iha tempu rezisténsia liu husi nia mensajen ba joven sira presiza mehi no mehi ne’ebé mak iha presiza atu realiza liu husi esforsu konkretu, tenke atu prontu simu sakrifisiu, susesu sei determina tuir susesu ne’ebé mak prova.

Alende iha tempu ne’ebá iha mós feto nia luta ne’ebé konta hikas husi Regina Ximenes nu’udar sekretária OPMT iha tempu rezisténsia nian, no husu ba feto maluk sira kontinua ho espíritu luta hasoru tempu agora iha dezenvolvimentu hodi nafatin kore an no kontinua ho valores sira ba sentidu ne’ebé mak feto maluk hatudu iha tempu rezisténsia nian.

Nune’e, iha Ermelindo das Neves ninian mensajen ba joven sira ba edukasaun ne’ebé di’ak hodi atinje povu nia susesu iha futuru, partisipasaun iha dezenvolvimentu iha kualker setór saida de’it hodi bele kontribui ba dezenvolvimentu ida di’ak ba povu no nasaun. No husu ba joven sira, importante mak disiplina, disiplina ba estuda, toba, han, respeita malu no buat hotu hafoin lori ita ba susesu.

Juventude iha luta esperansa, uluk, ohin no aban bainrua, nune’e juventude iha papel importante atu hatutan istória, sai protagonista ba tempu ukun no ba tempu agora nian iha kontribuisaun dezenvolvimentu nian no sai baze ba joven sira hodi define no projeta Timor-Leste ninia futuru, ida ne’e diskusaun ida ne’ebé mak husi Komité Orientadór 25 organiza ho tema “Istória Organizasaun Rezisténsia UNETIL, OPJT no OPMT” iha studiu GMN TV, Bebora, iha kuarta feira, (19/10/2022).