Comissão da Função Pública

Prevensaun no kombate prátika asédiu seksuál no violénsia bazeia ba jéneru iha Instituisaun sira ne’e importante ba ita hotu, aprezentasaun matéria ne’e Komisária Komisaun Funsaun Públika destaka iha workshop ba Komemorasaun ‘’Loron Internasional ba Feto 2023’’ ho objetivu liu husi hadia seguransa no asesibilidade ba espasu públiku, rezultadu no rekomendasaun husi feto nia pasu auditória seguransa iha Ministériu Obras Públikas.

Iha esplikasaun ne’e komisária destaka, esforsu Governu nian hodi prevene asaltu seksuál no forma GBV (violensia bazeia ba jéneru) iha servisu fatin, implementasaun ba matadalan sira ho sumáriu badak husi aprezentasaun maka hanesan, polítika no instrumentu sira maka aprova iha âmbitu prevensaun no kombate asédiu seksuál iha Funsaun Públika, no mekanízmu sira maka atu asegura asesibilidade no prosedimentu sira medida responsabilizasaun no atualizasaun ba dadus sira balun.

Iha sesaun ne’e partisipantes sira mós destaka kestaun sira kona-ba númerus ka dadus ba asédiu seksuál husi tinan 2018 iha pursentu ne’ebé ki’ik maibé, l hanesan ho realidade ne’ebé iha. Alende ne’e husu mós kona-ba asédiu seksuál karik akontese ba ema ne’e rasik oinsá atu hato’o keixa, hato’o ba Komisaun Funsaun Públika ou ba Instituisaun responsável ba asuntu refere, meiu uzu Chatbot Rosa liu husi media online.

Hatan ba kestaun ne’e Komisária Komisaun Funsaun Públika esplika kona-ba, númerus ka dadus kona-ba asédiu seksuál keixa sira ne’ebé mak rejistadu dala barak ba direta iha KFP, ne’ebé liu husi GIA ba kada Instituisaun haree mós ba asuntu ne’e. Tanba dala barak kazu sira ne’e akontese hela maibé, balu dehan mau sama mau, kultura ita ni’an mós halo feto sira tauk atu halo keixa. Maibé, ita iha mekanízmu liu husi aplikasaun Chatbot Rosa bele keixa. Alende ne’e KFP mós iha matadalan lae ba asédiu seksual iha Funsaun Públika no maneira oinsá atu prosesa keisa ida to’o ba KFP. Relasiona ho keisa la’os de’it vítima maka tenki halo keixa, maibé, ema balu ne’ebé hatene informasaun ruma bele hato’o keixa, liu-liu iha superiór sira kuandu senti buat ruma iha servisu fatin ladun konviniente bele hato’o, dehan Komisária KFP, Maria de Jesus Sarmento.

Workshop ba komemorasaun ne’e organiza husi Ministériu Obras Públikas hamutuk ho UN Women no hala’o 07 Marsu 2023, iha Suai-Room, Timor Plaza, Díli.