Comissão da Função Pública

Komisáriu Komisaun Funsaun Públika ba asuntu disiplina, Fausto Freitas da Silva sei hein relatoriu investigasaun husi Ministériu  Saúde relasiona ho  funsionáriu ne’ebé mak halo subornu ba trabalhadores sira iha loron hirak liu ba viral iha Sosial Media.

Tuir Komisariu asuntu ba Disiplina, wainhira dadalia ho jornalista Tatoli iha servisu fatin  Komisaun Funsaun Públika hateten, sábadu kalan foin haree kazu ne’e iha sosial media no iha loron domingu liga diretamente ba inspetor jeral Ministériu Saúde ho urjente atu buka lalais situasaun ida ne’e tanba, ida ne’e mak Komisáriu liga ba diretur RH atu bele haree lalais kazu no hahalok ida ne’e kontra lei Estatutu Funsaun Públika dever jeral no dever espesial, kontra étika. Tanba ne’e mak Komisaun Funsaun Públiku iha poder tomak bele bolu diretamente mós bele maibé, sei fó tempu ba sira ne’ebé ministériu ninia inspesaun bele haree kazu ne’e la’o to’o iha ne’ebé. Depois sira sei informa mai KFP nune’e Komisaun sei la para kuandu relatoriu aprezenta mai no sei prosesa tuir lei ne’ebé vigora tuir fatór determinante ba investigasaun mak sei determina prosesu disiplinar liu-liu Diresaun Nasional Disiplinar Prosedimentu Administrativu Funsaun Públika investiga kazu ne’e.

Kazu ne’e nia indikasaun katak, la’os foin halo maibé, bei-beik ona entaun tenke haruka ministériu públiku mak sei investiga tuir para bele hetan apura irregulariedade nia komete, dehan komisáriu Fausto Freitas da Silva.

Kazu sira hanesan ne’e akontese ona maibé la’os iha ministeriu refere maibé iha ministeriu seluk no balun tama kadeia to’o tinan lima (5) desde 2009 ne’e investiga ona ema nain rua ou tolu hanesan ne’e. Depois fó tiha tinan 2 ba sira investiga no ba komarka 5, entaun hotu ona ne’e katak, adeus Funsaun Públika fila ba halo toos ho natar. Keta bei-beik ona karik foin mak ita hare no rona entaun fator determinante investigasaun mak sei investiga, desijaun ne’ebe mak KFP foti ne’e tuir lei haruka, por ezemplu todan liu eh kaman liu, no todan liu mak demisaun esplika nia.