Comissão da Função Pública

Komisaun Funsaun Públika (KFP) audiensia ho Komisaun A ne’ebé haree ba asuntu konstitusionais no justisa iha Parlamentu Nasional hodi aprezenta ezekusaun orsamentu 2025 no orsamentu jeral Estadu tetu fiskal 2026 nian, hodi hetan apresiasaun husi Komisaun A – PN.

Molok aprezenta Prezidente KFP agradese ba Parlamentu Nasional ba nomeasaun komisáriu nain rua hodi kontinua kompleta ba mandatu nian ba period tinan lima nian.

Iha aprezentasaun ne’e Prezidente KFP, Agostinho Letêncio de Deus esplika, prioridade definida sira liga ho Sistema Reforma iha Administrasaun Públika ne’ebé define husi IV Mandatu ho 18 komponentes/prioridades.  Ba tinan 2025, KFP hetan alokasaun orsamentu ho total $2,901,148.00 ne’ebe fahe ba kategoria rua (Salário e Vencimento ho total – $1,992,798.00 no Bens e Serviços ho total 908,350.00, hodi sustenta ba implementasaun Planu Asaun Anual 2025 ba programa prinsipal 2 mak hanesan funsionamentu no dezenvolvimentu institusional ho ninia sub-programa 7 no atividades 25, no programa inkluzaun sosial ho ninia sub-programa 1 no atividade 1. Husi orsamentu alokadu, to’o 20 Outubru, KFP konsege ezekuta ona (total Atual – $1,932,804.68, ba kategoria saláriu vensimentu atinji ona 68% ou (1,353,956.88) no kategoria bens no servisus, konsege ezekuta ona 64% ou (578,847.80), ho ezekusaun atual maibe wainhira sura ho komitmentu no obrigasaun sira hotu mak KFP atinji iha total 73% no ba kategria SV iha 68% no BS 85%. Nune’e haree ba kalkulasaun gastu no projesaun to’o dezembru 2025, sei konsege ezekuta no total 92% (SV:88% no BS:100%).

Autoridade Funsaun Públika ne’e relata ba Komisaun A-PN ba atividade interligadu sira ba realizasaun atividades prioritária sira hosi Planu Reforma 2023-2028 (tantu nível polítiku nune’e mos tékniku nian-servisu rutinas tuir kompetensia KFP) mak hanesan kriasaun Grupu Traballu ba Planu Reforma Jestaun Rekursu Umanu Administrasaun Públika, liu hosi Despacho Primeiru-Ministru 2/GPM/I/2025, sei define tamañu foras traballu iha administrasaun públika, atualizasaun sistema kareira rejime jeral iha funsaun públika ba searasaun entre vertente estutural no funsional, remunerasaun, análize suplementu remuneratóriu sira, dezenvolvimentu SIGAP FOUN no GRP FMIS Ministériu Finansas; reforma obrigatóriu Dekretu-Lei 9/2025, 30 de abril, prosede alterasaun ba Estatutu Funsaun Públika, bazeia ba autorizasaun lejislativa hosi Parlamentu Nasional Lei no. 7/2024, 23 Outubru “fiksa limite idade ba sesasaun relasaun traballu ne’ebé halo ona diseminasaun iha nivel municipal, verifikasaun no análize dadus funsionárius ba reforma tinan 2026 hamutuk 2,599 (F:754 no M:1,846) mai hosi 146 instituisaun estadu; promosaun por antiguidade hamutuk 3,540 mak sei promovidu; atividade formasaun no kapasitasaun ba funsionárius sira inklui, formasaun karákter, formasaun lian ingles no diplomasia ein parserias ho Malázia, no kursu ELTAA (English Language Training for ASEAN Acesession) ba ofisiais sira; partisipasaun KFP nian iha reuniaun, workshops no seminariu sira iha nivel ASEAN, IAPA, EROPA no atividade seluk tan.

Tuir dadus SIGAP foun ba tinan 2025, atuliza forsa traballu hamutuk 39,980 (F:14,743 no M:25,237), mai husi funsionáriu permanente ho total 34,867 (F:13,110 no M:21,757) AAP ho total 5,106 (F:1,629 no M:3,477), enkuantu husi totál forsa traballu ein jeral iha instituisaun Estadu hamutuk 132 ho forsa traballu hamutuk 75,446 pessoas tuir dadus Ministériu das Finansas nian.

Relata mós rezultadu servisu ba tina n 2025 nian ne’ebé KFP halo mak prosesu rekrutamentu, selesaun no por mérito-kargu nian KFP simu no rejista proposta 6 ho vagas/pozisaun hamutuk 91, rekrutamentu funsionárius públikus ba rejime jeral proposta 10 ba vagas 393 pendentes hela, no ba rejime espesial total proposta 3 hodi koresponde ba vagas 46 no simu proposta 14 koresponde ho vagas 895 ba prosesu rekrutamentu Ajente Administrasaun Públika konklui ona 294 vagas, em prosesu 13, kanseladas 584, pendente 40 no reanunsiu 13.

KFP mós konsege elabora, aprezenta no hetan ona apresiasaun, aprovasaun no promulgasaun ba: Dekretu-Lei 31/2025, 24 setembru, Rejime Promosaun Ekstraordinária ba Profisional kareira saúde ho rezolusaun Governu N.º 56/2025, 8 Outubru, rezolusaun Governu kona-ba formasaun karáter ba funsionáriu públiku iha karreira sira Administrasaun Públika, KFP mós hasai ona deliberasaun, desizaun no pareser téknika sira. Alende ne’e instaura mós prosesu disiplinares, ba tinan 2025 rejista kazu hamutuk 38 husi instituisaun 15, kazu pendente husi tinan anterior aplika ona pena ho total 102 infratores, prosesa mós deskontu salarial ba funsionárius faltozus ho total 1,283 (F:388 no M: 897). No kontinua hamutuk ho ekipa kuadrilateral (PDHJ, KFP, KAK no IJE) iha ambitu boa governasaun realiza vizita suspreza iha instituisaun sira iha nível nasional no munisipal.

Enkuantu ba pakote alokada ba tinan 2026 nian KFP simu OGE ho total $3,088,479.00  kobre ba saláriu no vensimentu $1,908,752 (61.80%), bens no servisus $908,350.00 (29,41%), kapital nenor $150,000.00 (4,86%),no kapital dezenvolvimentu $121,377.00 (3,93%) hodi sustenta ba programa 2, sub-programa 13 no atividade hamutuk 35.

 Husi aprezentasaun ezekusaun 2025 no atividade sira hetan apresiasaun no rekomendasaun sira hodi kontinua mellora servisus KFP nian ba iha reforma administrasaun públika ba futuru no prosesu desentralizasaun nian ba oin.