Comissão da Função Pública

Komisaun Funsaun Públika kompostu husi Prezidente no Komisárius Komisaun Funsaun Públika akompaña husi Sekretária Ezekutiva no Diretores Nasionais audiênsia ho Komisaun A Parlamentu Nasional ba asuntu legislasaun no justisa aprezenta ezekusaun orsamentu no atividade 2022 no planu OGE ba atividade 2023 nian.

Iha aprezentasaun ne’e Prezidente KFP atualiza, orsamentu ne’ebé KFP  hetan ba tinan 2022, alokasaun USD 2,782,71 husi montante ne’e KFP ezekuta ona 58% kobre ba programa jestaun rekursus umanus no institusional no igualdade jéneru no inkluzaun sosial husi sub progama 8 no atividade 24.

Alende ne’e KFP aprezenta mós planu orsamentu no atividade 2023 nian ho montante ne’ebé aprovadu ba tinan 2023, USD 3,010,462.00 milloens hodi kobre ba atividade Komisaun nian hanesan promosaun, seleksaun, no rekrutamentu ba profisionais seniores, diseminasaun kuadrus legais no atividade seluk tan.

Entretantu, iha audiensia ne’e aprezenta mós atividade ne’ebé la’o iha 2022 hanesan promosaun, atualizasaun baze dadus iha nivel funsaun públika ninian, dezenvolve SIGAP FOUN, SIGAPnet, portal vagas, atividade rekrutamentu, nomeasaun no seleksaun púr méritu, rejime senior profisional, enkontrus KFP ho entidades sira relevantes no forum GJPRU, progresaun ba profisionais saúde ba ne’ebé primeira vez realiza durante tinan 10, planeamentu forsa traballu, avaliasaun dezempeñu, formasaun no kapasitasaun, pensaun no reforma, kestoens disiplinares ne’ebé mak KFP kontinua buka atu apura hodi evita hamenus iregularidade iha Funsaun Públika hodi asegura boa governasaun.

Alende destaka mós situasaun funsaun públika oras ne’e rejista ho forsa traballu hamutuk rihun 36,441 kompostu husi feto konstitui 35,2% no mane 64,8%. Ao mesmo tempo rejista mós kargu diresaun xefia hamutuk 3,756 kompostu husi feto 823 mane 2,933.

Enkuantu ba asuntu kada portefóliu komisárius sira atualiza no ba tékniku liga ho orsamentu sira aprezenta husi Sekretária Ezekutiva atualiza liga ho legislasaun KFP produz ona 370 desizoens, no atividade monitorizasaun ba setór edukasaun nian ekipa tun ona ba munisípiu Bobonaro, Baucau, Liquiça no Manatuto enkuantu sira seluk sei kobre hotu iha fulan rua ne’e nia laran.

Audiensia ne’e hala’o iha sala Komisaun A Parlamentu Nasional ba assuntus konstitusionais no justisa, iha kinta feira, 13/10/2022.