Comissão da Função Pública

Reuniaun Prezidente no Komisárius Komisaun Funsaun Públika ho Vise – Primeiru Ministru asuntu Sosiais hodi ko’alia kona-ba rekursu umanu hodi destaka apoia ba funsionamentu servisu ministériu nian.

Iha reuniaun ne’e KFP sujere, atu labele afeta ba destakamentu ne’e sujere atu ministériu refere tau orsamentu, ou bele halo transferensia funsionáriu ne’e hodi bele hala’o knár, atu labele afeta pezu orsamental husi instituisaun orijen. Situasaun seluk mak estrutura organika ministeriu nian hodi presiza sai hanesan referensia ba KFP hodi destaka funsionariu tuir fatin refere.

Vise – Primeiru Ministru haklean informasaun katak, antes ne’e iha ona komunikasaun no presiza tau tuir regras hodi apoia servisu iha ministeriu refere.

Dezenvolvimentu rural, mosu atu halo servisu koordenasaun, sinkronizasaun servisu ba ministeriu hotu iha dezenvolvimentu ba iha rural, ba hasa’e ekonomia rural. Revitaliza, moderniza aldeia hanesan bairu foun ne’ebe kobre ba edukasaun, saúde no asuntu interligadu sira seluk inklui serguransa ba komunidade refere, dehan nia.

Esplika Prezidente KFP, Faustino Cardoso Gomes katak, destakamentu másimu tinan rua, no Komisaun sei halo komunikasaun hodi haree ba asuntu ne’e.

Situasaun seluk, alende estrutura organika, internalmente ministeriu avansa ho kargus diresaun no xefias bazeia ba baze legal iha âmbitu atu prense servisu refere, no iha kuadru pessoal presiza iha analize hodi koresponde tuir situasaun ida-idak nian.

Destaka mós katak, meritokrasia importante tebes ba dezenvolvimentu kareira ba oin, tanba nomeasaun sempre mosu inserteza no afeta ba kestaun motivasaun no dezempenu servisu, nune’e sujere atu haree mos ba asuntu ne’e, no komisaun nia parte pronto atu apoia hodi servisu hamutuk ba oin.

Kestaun kargus diresaun xefias nian, atu sai director jeral no director nasional tenke bazeia ba kriterius prensimentu nomeasaun nian ne’ebe maki ha, no labele iha implikasaun disiplinar ruma, kestaun sidadania tenke define mos iha baze legal hirak ne’e. Rekrutamentu KFP pronto servisu hamutuk, modalidade rekizisaun instituisaun ba sujeita hodi selu husi ministeriu ne’ebe husu, esplika Prezidente KFP.

Husu mapa pessoal nebe mak iha tenke adekuadu, kualidade, profisionalizmu, esplika Prezidente KFP iha audiensia Palásiu Governu, iha kinta feira, (14/09/2023)..

Husu funsionariu nebe maki ha tenke iha deskrisaun servisu ida klaru atu sira bele halao sira nia knar ho diak, esplika Komisaria. Planu rekrutamentu tenke rekore ba livru 2 orsamental nian, bazeia ba ne’e mak KFP hodi implementu ba ninia prosesu rekrutamentu, rasionalizasaun forsa traballu iha nivel hotu, esesu rekoloka fali no investimentu formasaun ruma hodi koresponde ba kualifikasaun profisional, no husu analize ba idade ne’ebe produtivu, haklean Prezidente KFP.