Comissão da Função Pública

Segunda feira, 18 Setembru 2023 – Prezidente no Komisárius Komisaun Funsaun Públika audiensia ho Vise Primeiru-Ministru, Ministru Koordenador ba Asuntu Ekonómikus no Ministru ba Turizmu no Ambiente, Francisco Kalbuadi Lay hodi diskute kona-ba funsionamentu ministériu foun ne’e nian.

Enkontru ne’e tur hamutuk ho Komisaun Funsaun Públika hodi diskute, buka solusaun no sujetaun hodi haree ba funsionámentu ministériu ne’e nian hahú husi estrutura husi Diretor Jeral, Diretores to’o funsionáriu sira. Ne’ebé mak uluk Ministériu Turizmu Komérsiu no Industria, agora Ministériu Turizmu no Ambiente entaun diskute kona-ba forsa traballu, no buka solusaun hodi lori ministériu ne’e ninia servisu ho di’ak ba oin, esplika Ministru ba Turizmu no Ambiente, Francisco Kalbuadi Lay iha ninia knár fatin MTA, Farol, Díli.

Enkontru ne’e ho intensaun atu buka komprende situasaun to’o iha ne’ebé, ba prosesu konsolidasaun ba forsa traballu iha kontekstu ministériu foun nian, no kláru katak, baze legal hotu mak estrutura organika, dekretu lei, diploma ministerial sira sai hanesan baze ba Komisaun hodi haree ba situasaun ida ne’e, akresenta Prezidente Komisaun Funsaun Públika Faustino Cardoso Gomes.

 “Kestaun seluk ne’ebé mak ko’alia mós iha Gabinete Sua Excelensia ninian, ne’ebé mak barak mai husi funsionáriu públiku, nune’e atualiza ba ministru ba funsionáriu sira nia direitu sira ba iha kontekstu dezenvolvimentu kareira, ao mezmu tempu mós rejime kontratasaun ne’ebé sira aplika, hodi nune’e atu labele prejudika sira nia direitu nu’udar funsionáriu públiku, wainhira sira hetan fiar sai apoiu polítiku iha gabinete. kestaun seluk mak ko’alia kona-ba kargu diresaun no xefias iha ministériu foun ne’e sei kontinua ho estrutura tuan ho ajustamentu sira balun, atu evita duplikasaun, inefisiensia iha ministériu ne’e rasik,” dehan Prezidente KFP.

Durante enkontru atualiza mós funsionáriu apoiu iha gabinete polítiku, kargus diresaun no xefias inklui diskute mós traje funsaun públika ne’ebé lansa ona iha tempu hirak liu ba maibé agora kontinua atu realiza ninia implementasaun.