Comissão da Função Pública

Prezidente Komisaun Funsaun Públika aprezenta matéria kona-ba Komisaun Funsaun Públika ninia progressu iha asuntu Funsaun Públika nian iha Follow-up workshop kona-ba Timor-Leste Strategy and Actions for a sustainable ASEAN membership: Human Development Sustainability and Economic Growth, iha Sesta feira, 22 setembru 2023, iha salaun Nobre Ministériu Negósiu Estranjeiru no Kooperasaun (MNEK), Praia dos Coqueiros, Díli, ne’ebé organiza husi Ministériu Negósiu Estranjeiru no Kooperasaun (MNEK).

Objetivu husi atividade ne’e hatan Timor-Leste nian hodi adere plenamente ba Association of Southeast Asian Nations(ASEAN) nian hanesan marka signifikante ida hodi hatan ba roteiru ba iha involvimetnu no esforsu integrasaun regional. Nune’e Timor-Leste kompromente ona atu kontribui ba objetivu sira ASEAN nian hodi promove dezenvolvimentu umanu, sustentabilidade no kresimentu ekonómiku iha rejiaun ne’e, hodi kumpri ba kompromisu sira garantia adezaun ida ho sustentabilidade no prósperu ba ASEAN, ne’ebé mak Timor-Leste dezenvolve estratejia ida abranjente, ho esperiensias no eksplora oporunidade kolaborasaun iha área dezenvolvimentu sira iha asuntu tolu refere.

Dr. Bob Aubrey, nu’udar  founder ASEAN Human Development organization partilla kona-ba oinsá atu tama ba ASEAN nian tuir pilar tolu hanesan ASEAN Economic Community (AEC), ASEAN Political Security Community (APSC), no ASEAN Socio-Cultural Community (ASCC), ne’ebé atu proativu liu tan oinsá atu define meta sira atu sai membru plena ASEAN nian iha tinan 2025.

Nune’e Dr. Bob Aubrey partilla kona-ba tarjetu no meta sira ne’ebé mak realiza ona husi Timor-Leste ninia kontribuisaun úniku ba ASEAN hodi hametin liu tan dezenvolvimentu nasionál liu husi prinsípiu sira ba iha Governance in practice, Full sustainability: sustentabilidade dezenvolvimentu sosial Timor-Leste nian iha sustentabilidade estatejia ba ASEAN nian, responsible economic growth: oinsá Timor-Leste prezerva taxa ba iha desigualdade ba iha rekursu naturais no dezenvolvimentu umanu Timor-Leste nian.

Péritu ba Dezenvolvimentu Umanu no agora daudaun sai hanesan mentór ba iha Governu Timor-Leste espeta atu Timor ninia partisipasaun ba ASEAN nian, nia esplika wainhira Governu iha ideia polítika sira, ema mak sai responsavel ba asuntu hotu iha reuniaun sira ASEAN nian ne’ebé mak presiza halo liu husi indikador dezempeñu save sira ba iha normas ASEAN nian, indikador ida ba lakuna to’o ona iha ne’ebé Timor-Leste ninia rezultadu projetu sira, rekursu, avaliasaun ba rezultadu sira ho faze pozitivaus, organizasaun ida oinsá hatene ona norma sira no bele servisu ho parseirus ASEAN ba iha sensibilizasaun no expoziasaun, formasaun no mudansa, servisu iha língua inglês, alterasaun sira ne’ebé efetivu no avaliasaun kapasidades hodi prense ba iha ekonomia, ASEAN Charter, lideransa, konektividade, teknolojia suporta sira, inovasaun, oinsá atu kolabora ho ASEAN ninia parseiru sira hodi kompleta mós ba iha roteiru ASEAN nian ba Timor-Leste, esplika Dr, Bob Aubrey.

Workshop ne’e iha mós aprezentasaun maka Autoridade Aduaneira, Trade Invest no Komisaun Funsaun Públika hanesan parte husi pilar ekonomia no sosiu-kultura nian relasiona ho dezenvolvimentu umanu, sustentabilidade no kresimentu ekonómiku nian hodi haree ba asaun no progressu sira relasionadu ho servisu ne’ebé mak realiza ona iha nivél setór ida-idak nian.

Nune’e Prezidente KFP, Faustino Cardoso Gomes aprezenta kona-ba planu asaun no meta sira ne’ebé mak konsege realiza ona no balun ne’ebé sei iha prosesu implementasaun sira, relasiona ho harmonizasaun legislasaun balun, dezenvolvimentu umanu tuir dalan méritu, promosaun, seleksaun, no dezenvolvimentu sistema iha era digitalizasaun nian iha Funsaun Públika ein jeral.

Atividade workshop ne’e lidera no modera direta husi péritu Dr. Bob Aubrey hanesan ASEAN human development organization.