Comissão da Função Pública

Diretores Nasionais nain 25 husi liñas ministeriais tuir formasaun lideransa obrigatóriu iha INAP durante loron sanulu resin neen iha Institutu Nasional Administrasaun Públika (INAP).

Formasaun lideransa ne’e ensera ofisialmente husi Komisáriu Portefóliu Disiplinar, Agapito da Conceição ensera formasaun obrigatóriu lideransa ba Diretores Nasionais husi liñas ministeriais kompostu husi feto nain 13 no mane nain 13 liu husi ninia diskursu hateten, liu husi formasaun ne’e aumenta kapasidade ida-idak nian, wainhira fila ba servisu fatin fahe tutan matenek ne’ebé hetan iha formasaun ba subordinadu sira hodi bele hala’o servisu ho efisiente no efikasia iha administrasaun públika Timor-Leste nian.

Komisariu sita mós katak, Komisaun Funsaun Públika nia planu halo dekretu lei ida hodi regula kargus diresaun husi xefe seksaun to’o diretor nasionál wainhira atu asume kargu tenke iha sertifikadu formasaun lideransa iha INAP, no iha planu ne’e hahú regula husi xefe seksaun hakat ba xefe departamentu, husi esperiensia xefe departamentu ba diretor nasional foin mak ba diretor jeral. Ho sistema ida ne’e mak bele implenta professionalizmu ema ida-idak nian tuir nia knár ho máximu iha nia servisu fatin ne’ebé de’it.

Diretor Jeral INAP, Policarpo Boavida liu husi nia intervensaun fó lia menon ba formandus nain 25, Diretores Nasionais hotu mak mai tuir formasaun obrigatóriu husu wainhira fila ba servisu fatin implementa materias ne’ebé hetan iha formasaun hodi mellora Administrasaun Públika nian atu garantia ba boa governasaun.

Serimónia ne’e taka ho entrega sertifikadu ba formandus sira nain 25 ho entrega mós premiu ba kompetisaun outbound primeiru klasifikadu, segundu no terseiru no hakotu ho foto hamutuk.