Prezidente KFP Interinu Komisariu José Telo Soares Cristovão hamutuk ho xefi Gabinete Prezidente Autoridade Protesaun Sivil (APC), Paul Assis Belo iha kuarta-feira ne’e, (6/11/2024) halo abertura ba teste eletronika ba kandidatus kargu xefias APC nian hamutuk mak 25 kompostu husi feto 6 no mane nain 19 ba Munisípiu Ainaro, Bobonaro, Ermera no Munisípiu Likisá.
Prezidente Interinu KFP José Telo Soares Cristovão iha diskursu hateten, faze konkursu teste eletronika ne’e transparansia no laiha intervensaun ruma tamba, hakarak buka ema ne’ebé ho méritu atu bele hala’o servisu ho responsabilidade, disiplina hodi halo atendimentu ba públiku.
Komisariu José Telo Soares Cristovao ne’ebé portefoliu ba forsa traballu no hanesan mós Prezidente Juri ba prosesu rekrutamentu husu ba kandidatu sira atu uza oportunidade tempu ho di’ak hodi konsentra hanoin, ideia hodi fó resposta ba perguntas ne’ebé ekipa prepara.Perguntas dezenvolvimentu maka ekipa prepara tamba, kandidatru sira atu obriga kandidatu ida-idak hodi interpreta saida maka sai vizaun no misaun atu dezenvolve instituisaun, wainhira kandidatu balun nia rezultadu teste priense kriteriu atu asume kargu duni, dehan Prezidente KFP Interinu.Sorin seluk, Xefi Gabinete Ministru Interior Paul Assis Belo konsidera konkursu teste eletronika ne’e defisil, tamba ne’e husu ba kandidatu sira esforsu an iha teste eletronika ho transparansia hodi buka ema ho méritu atu bele hala’o servisu iha funsaun públika hodi serví Estadu ho di’ak no responsabilidade.
Xefi Gabinete Paul Assis Belo lori Instituisaun Autoridade Protesaun Sivil husu ba kandidatu sira atu partisipa teste eletronika ho di’ak atu bele hetan valór sufisiente tuir ida-idak nian kapasidade atu bele sai servidor ba Estadu no Governu Timor-Leste.
Paul Assis Belo agradese mós ba Komisaun Funsaun Públika ne’ebé fó apoiu tomak ba prosesu tomak rekrutamentu nian, ne’ebé ohin tama iha faze teste eletronika ho di’ak, transparansia no boa-sorte ba kandidatu ne’ebé hola parte iha teste ne’e, partisipa iha abertura teste ne’e kargu diresaun xefia, asesor no ekipa juri husi KFP no APC.
HANOI, VIETNAME — 5–7 OUTUBRU 2026; Prezidente Komisaun Funsaun Públika (KFP), Sr. Agostinho Letêncio de Deus,…
DÍLI, 29 Setembru 2026 – Komisáriu Komisaun Funsaun Públika (KFP), Jorge Paiva Araújo, hamutuk ho…
LETEFOHO-Segunda Feira, 28 Setembru 2026, Prezidente Komisaun Funsaun Públika, Agostinho Letêncio de Deus ho Komisariu…
Komisaria Komisaun Funsaun Publika-KFP Portefoliu Dezenvolvimentu Karreiras Especiais Anita Tavares Ribeiro de Jesus reprezenta Prezidente…
Quarta Feira-23/9/2026-Presidente Komisaun Funsaun Públika Agostinho Letêncio de Deus akompana husi Diretor-UDSIFP – Marfilho Fidel…
Tersa-feira, 22/09/2026 - Prezidente Komisaun Funsaun Públika Agostinho Letêncio de Deus no Komisáriu KFP portefóliu…