Comissão da Função Pública

Prezidente no Komisarius Komisaun Funsaun Públika hala’o enkontru ho Vise Ministru Saúde Dezenvolvimentu Estratejiku Saúde no Ministru Interinu Ministériu Saúde nian hodi koa’lia kona-ba mobilizasaun funsionariu públiku husi munisipiu mai Dili hodi bele tuir konkursu promosaun jeral.

Objetivu prinsipal mak atu buka oinsa to’o entendimentu ida hanesan atu fó polítika promosaun nian oinsa mak atu kria meius kondisoens hodi viabiliza funsionariu públiku Ministeriu Saúde nian, li-liu iha munisipiu hodi mai hodi tuir konkursu promosaun. 

Enkontru ne’e entrega mós lista rekapitulasaun númerus kandidatus promosaun hamutuk 1289 husi nivel munisipiu 771 no nivel nasional hamutuk 518 mak sei tuir konkursu promosaun jeral ao mezmu tempu koa’lia asuntu seluk liga ho preparasaun lista profisional saúde hot-hotu ba kada katégoria ba konkursu ba se-se mak elejibel atu ba 1/3 liga ho dekretu lei kareira profisional saúde nian, preparasaun seleksaun pur méritu ne’ebé mak durante ne’e sei extensaun hela.

Tuir kalendariu konkursu promosaun sei la’o iha fulan Agostu to’o Setembru, hafoin ne’e, mak preparasaun ba seleksaun pur méritu ba kargus diresaun xefia Ministériu Saúde nian.

KFP no Ministériu Saúde iha hanoin ida katak, depois rejime jeral ne’e hotu tuir kedas preparasaun ba selesaun pur méritu ba ministériu saúde nian, no konkursu promosaun espesial.  

Enkontru ne’e hala’o kuarta feira (17/07/2019) iha Gabinete Ministru Saúde, Caicoli, Dili.