Prezidente no Komisarius Komisaun Funsaun Públika akompaña husi Sekretaria Ezekutiva, Maria de Jesus Sarmento no Xefi Gabinete KFP hasoru malu ho Prezidente Repúblika,Francisco Guterres Lu-Olo hodi entrega relatoriu anual KFP tinan 2018, ohin (18/07/2019), iha Palasiu Prezidensial, Dili.
Prezidente KFP Faustino Cardoso Gomes liu husi konferensia imprensa ho jornalista hateten, hafoin entrega relatoriu, Prezidente Repúblika husu ba Komisaun kona-ba situasaun aktual Funsionariu Públiku no Prezidente RDTL kestiona mós avaliasaun desenpeñu funsionáriu públiku sira nian, atendimentu públiku ne’ebé kleur no oinsa garante atendimentu ida ne’ebé diak liu ba públiku ho lalais iha futuru.
“Ezijensia husi relatoriu KFP tinan 2018 ne’e koa’lia liu kona-ba implemetasaun polítika no programa Komisaun Funsaun Públika tinan 2018, funsionamentu funsaun públika haree husi númeru funsionáriu, mobilidade tranferensia, destakamentu, lisensa sein vensimentu bazeia ba planu asaun anual, planu estratejiku dezenvolvimentu nasional KFP nian inklui orientasaun polítika VIII Governu Konstitusional,” Faustino Cardoso Gomes esplika ba jornalista sira hafoin hasoru malu ho Prezidente Repúblika Lu-Olo.
Kona-ba tipu ba polítika reforma, Faustino Cardoso Gomes hateten polítika reforma administrasaun públika ne’e kompeténsia Ministeriu Reforma Lejislativu Asuntu Parlamentares (MRLAP), maibé Komisaun Funsaun Públika durante ne’e hare liu ba reforma funsaun públika tuir polítika ne’ebé komisaun trasa tiha ona durante ne’e, maibé karik iha polítika foun ruma husi MRLAP kona-ba reforma administrasaun públika sei asenta hamutuk hadia di’ak liu servisu administrasaun iha Timor-Leste.
Ekipa ida husi Komisaun Funsaun Públika hamutuk ho INAP partisipa iha Sesaun ba dala-23 Komisaun…
Kinta-feira -25/4/2024- Prezidente Komisaun Funsaun Públika, Agostinho Letêncio de deus, Komisáriu José Telo Soares Cristovão…
24 Abríl 2024, Prezidente Interinu Komisáriu ba asuntu Pensaun no Reforma Komisaun Funsaun Públika, Fausto…
Dili, 17 Abril 2024 – Diretór Nasional Planeamentu Kuadru Pesoal Funsaun Públika (DNPKPFP-KFP) no Diretór…
Komisaun Funsaun Públika sei la haree se mak manán no se mak lakon iha prosesu…
Ministériu Edukasaun no Komisaun Funsaun Públika servisu hamutuk liu husi despasu konjunta hodi buka solusaun…