Comissão da Função Pública

Komisaun Funsaun Públika no Institutu Nasional Seguransa Sosial esplika “Lei Seguransa Sosial  – Ninia Benefisiu ba Makina Estadu Iha Funsaun Públika”, ho objetivu atu kontinua habelar informasaun ba funsionáriu sira liu husi meiu komunikasaun hanesan rádiu hodi nune’e funsionáriu kontinua atualizadu no komprende kona-ba sira nia direitu ba seguransa sosial.

Institutu Nasional Seguransa Sosial institutu Estadu nian ida ke sistema kompleksa tebes tanba ho kustu ida ke la’ós kiik maibé, ho kustu boot.

Diretora Ezekutiva INSS Aida Maria Soares Mota hato’o informasaun ne’e  durante debate iha Programa “ITA NIA MATADALAN” Rádiu Metro FM Kintal Boot Dili, kuarta-feira, 01 Fevereiru 2023.

Tuir Diretora Ezekutiva katak, ho sistema ne’ebé kompleksa  maka INSS dezenvolve gradualmente ho módulus ne’ebé oi-oin no falta asesu diretamente, maske ema barak seidauk komprende no halo krítikas.

Aida Maria Soares Mota, klarifika liu tan, INSS mós halo módulu rua mak kompleta ona hanesan módulu de Inskrisaun no mðdulu Finansas, atu nune’e halo interface ho Instituisoens Públikus sira seluk. Maske kompromete ona katak, iha tempu badak tinan ida ne’e sei iha formasaun espesializada ba funsionáriu INSS atu oinsá halo atendimentu di’ak ba nesesitadu sira iha futuru.

Enkuantu Komisaria Maria de Jesus Sarmento ne’ebé trata asuntu ba Administrasaun, Finansas no Baze Dadus, Protokolu no Komunikasaun rekoñese katak, koperasaun entre Instituisaun Estadu rua ne’e halo servisu ho kooperasaun la’o di’ak, hahú kedas ho grupu traballu, wainhira halo Lei ba seguransa Sosial ida-idak ho nia papel.

Komisária adiata katak, durante ne’e halo ona desiminasaun ligadu ho orientasaun ne’ebé hatur iha Komisaun Funsaun Públika no kada tinan halo mapeamentu ba idade reforma hodi envia ba liñas ministeriais iha Governu tomak, nune’e atu haree ba prosedimmentus sira ne’ebé liga liu ba rekerimentu ba rejime kontributivu no liga mós ba eventualidades sira ne’ebé balun hala’o ona no balun seidauk.

Komisaun Funsaun Públika mós iha funsaun ida ne’enbé produs no distribui sertidaun ba  tempu servisu ba funsionáriu sira bazeia ba desizaun INSS wainhira hakotu funsionáriu nia servisu.

Nune’e Komisária KFP fó mensajen ba parte rekursu umanus sira katak, papel rekursu umanu buka pro-ativu atu kontinua habelar informasaun sira relasiona ho seguransa sosial no oinsá ninia prosesu sira ba funsionáriu públiku no ajente administrasaun públika atu inteiradu ho asuntu ne’e.