Comissão da Função Pública

Komisáriu Disiplina Komisaun Funsaun Púbika, iha ninia intervensaun diskursu ba iha tomada de posse ba diretor Patrimoniu no Lojistika iha munisípiu Ermera nian alerta katak, ba funsionáriu públiku sira ne’ebé ba okupante kargus tenke livre husi intervensaun polítika, labele halo prátika polítika iha servisu fatin iha nivel Funsaun Públika tanba, fatin ida ne’e atu uza ba serví povu no nasaun tuir professionalizmu, presta servisu ida ho di’ak ba iha instituisaun ne’ebé hala’o knár ba hodi asegura servisu ne’ebé ho kualidade. No Komissaun Funsaun Públika kontinua apoiu no fasilita ba funsionáriu sira ne’ebé hakarak konkore ba kaer kargu saida de’it tuir méritu, sempre fó apoiu, atendimentu di’ak ba konkorentes hotu ho tratamentu ida hanesan laiha diferensa entre funsionáriu sira ida ho ida seluk.

Nune’e Komisáriu Fausto Freitas da Silva enkoraja empossadu Bacelar Martins Correia atu asume kargu hodi servi didiak ita nia nasaun no povu durante fiar ne’ebé fó tuir mandatu, tuir konkursu seleksaun ba méritu ne’ebé realiza liu husi prosesu lubun ba seleksaun hodi to’o simu posse nu’udar Diretór Patrimoniu no Lojistika iha munisípiu Ermera, iha Gleno-Ermera, iha (31 janeiru 2023).

Serimónia tomada de posse ne’e partisipa husi Komisáriu Komisaun Funsaun Púbika portfóliu disiplina, Fausto Freitas da Silva akompaña husi diretora nasionál rekrutamentu no dezenvolvimentu kareira iha Funsaun Públika, Marcelina Irene Mesquita prezensa iha serimónia tomada de posse ba diretór servisu munisipal Patrimoniu no Lojistika Autoridade Munisipiu Ermera.