Comissão da Função Pública

Komisaun Funsaun Públika nia prezensa iha postu Administrasaun Venilale sai orgullu boot tanba ho objetivu atu identifika problemas profesores kontratadus, profesores voluntárius, fasilidades menus, númerus estudantes boot liu profesores no se-seluk tan.

Preokupasaun ne’e hatoo husi Inspetor eskolares Postu Administrativu Venilale Barnabe durante enkontru entre Komisária Maria de Jesus Sarmentu nia ekipa  ho Administrador Postu Venilale Miguel Mendes Mancho Guterres iha nia gabinete Tersa feira 11/10/2022 antes tun ba iha eskola EBC Uai-Bau.

Durante enkontru ho Administrador Postu lamenta ba profesores ne’ebé liu ona tinan 60 presiza reforma tanba impede prosesu aprendijajem tanba sira moras hela deit no problema seluk liu-liu ba kondisaun eskola sira no iha fatin balun profesores menus du ke alunus, problema remuneratóriu no seluk tan.

Komisária Maia de Jesus Sarmento hateten oras ne’e dadaun DL ne’e iha ona Parlamentu Nacional atu debate no iha Lei ne’e diferente entre Funsionáriu Públiku ho Pesoais Saúde no Judisiáriu tanba Funsionáriu reforma iha 60 anus ba leten enkuantu Saúde ho Judisíáriu reforma iha 70 anos ba leten tanba forsa de desizoens.

Hafoin enkontru ho Xefe du Postu, Ekipa kontinua halo monitorizasaun ba iha EBC Uai-Bau Venilale ne’ebé levanta problemas konaba Kondisaun Eskola aat, Dapur prepara merenda eskolar kiik,Saneamentu iha falta bee, ekipamentus koziña tau hamutuk ho Biblioteka no probelema seluk tan.

Enkuantu iha Eskola Sekundária Jeral Venilale menus salas de Aula, kadeira la too tanba estudantes hamutuk 764.

Enkuantu EBF Bercoli Kordenador Antonino Damasio informa falta Profesores, tanba agora dadaun iha ne’e só iha maka Profesores kontratadus, ho Profesores parsial tanba ne’e labele kobre ba 281 alunus.

Iha loron ne’ebé hanesan Ekipa seluka halo monitorizasan iha Eskola Sekundária Jeral Filial Aubaca, EBF Vila Nova Baucau, Ensinu Sekundáriu Jeral Filial Seiçal Baucau EBC Tirilolo Baucau Vila.