Comissão da Função Pública

Komisáriu Komisaun Funsaun Públika, Fausto Freitas da Silva hamutuk ho Ministru Petroleo no Minerais fó posse no asinatura termu aseitasaun ba kargu diresaun, xefia no tékniku profisional hamutuk nain 11 iha salaun EITI, Farol,  Dili, iha 21-12 2022,.

Komisáriu KFP iha ninia diskursu apela ba  kargu diresaun, xefia no tékniku profesional sira atu kontinua garante servisu ida ho efikaz, evita labele iha interferensia polítika, hala’o servisu ho imparsial, profisionalizmu ho baze ba méritu hodi bele presta servisu ida ho kualidade ba Estadu no povu Timor-Leste.

Komisáriu Fausto Freitas da Silva husu atu evita interferensia polítika sira ne’e hodi asegugra katak, administrasaun públika harii ho baze ida ne’ebé forte, permanente, tanba Governu sei bele troka, ida ba no ida mai, maibé funsaun públika nafatin kontinua hodi asegura kontinuidade servisu ba atendimentu públiku.

Alende ne’e Komisáriu asuntu disiplinar ne’e lori KFP nia naran fó parabéns no kontratula emposadu sira, asegura interese públiku, legalidade, justisa, igualdade, proporsionalidade, desburokratizasaun, imparsialidade, konfidensialidade, onestidade no hatudu nafatin integridade.

Iha tempu hanesan, ministru MPM, Vítor da Conceição iha ninia diskursu hateten, tomada de posse ne’e realiza hodi kompleta estrutura orgánika Ministerio nian, ne’ebé mak durante ne’e la eziste, no  serimónia tomada de posse ne’e ita hametin no konsolida estrutura Ministériu nian hodi hala’o servisu ho di’ak liu tan. Nune’e fó parabéns ba emposadu sira atu kontinua hala’o knár hirak ne’e ho susesu, hatudu dezempeñu servisu tuir méritu no área kompeténsia ida-idak ninian.

MPM iha ninia vizaun, misaun no objetivu klaru, kontinua dezenvolve no jere rekursu petróleu no minerais inklui minerais estratéjikus sira seluk, hodi garante dezenvolvimentu ekonómiku ida sustentável ba nasaun. Atu atinji vizaun ida ne’e mak kompleta estrutura MPM hanesan meiu ida atu konsolida di’ak liu tan servisu instituisaun nian no asegura dezenvolvimentu sistentável, asegura boa governasaun, jestaun institusional no jestaun rekursu petroleus no minerais, haklean Ministru MPM.

Serimónia  tomada de posse no asinatura  term aseitasaun ba kargu diresaun xefia no tékniku profisional hamutuk 11 kompostu husi feto nain 3 no mane nain 7.