Komisária Komisaun Funsaun Públika portfóliu finansas, baze dadus, pensaun no reforma, protokolu no komunikasaun sosial, Maria de Jesus Sarmento no Sekretária Ezekutiva SKFP, Maria da Costa Oliveira sai orador iha formasaun téknika espesializada iha área inspesaun, auditoria no investigasaun ba funsionáriu Sekretariu Estadu Kooperativu (SECoop) iha salaun NCBA iha postu administrativu Railaco, munisípiu Ermera, durante loron lima (19-23/12/2022).
Iha sesaun aprezentasaun komisária KFP, Maria de Jesus Sarmento aprezenta matéria kona-ba komunikasaun iha administrasaun públika relasiona ho dokumentus ofisiais no Sekretária Ezekutiva, Maria da Costa Oliveira aprezenta kona-ba partisipasaun funsionárius públikus iha formasaun profisional hanesan direitu ida.
Iha Komissaria KFP, Maria De Jesus Sarmento ninia aprezentasaun hateten, Komunikasaun no Administrsaun Públika relasaun ho dokumentus ofisiais sira haree ba baze legal ne’ebé mak iha hanesan asegura sizilu, wainhira dokumentu ruma espalla ka iha iregularidade sei hetan pena, tanba ne’e nu’udar funsionáriu públiku tenke iha dever hodi asegura dokumentu sira ne’e ho sizilu.
Tuir baze legal, iha dekretu lei 43/2016 iha 14 de Outubru, kona-ba regras relativas ba asesu dokumentus ofisiais no dokumentu kona-ba prosedimentu administrativu mak dekretu lei 32, esplika Komisária KFP.
Iha tempu hanesan, Sekretária Ezekutiva esplika kona-ba direitu formasaun hatur ona iha lei númeru 8/2004 ne’ebé hetan alterasaun dahuluk ba lei no 5/2009 kona-ba estatutu funsaun públika iha artigu ida ne’ebé mak espesifikamente ko’alia direitus formasaun ba funsionarius no ajentes administrasaun sira nian iha administrasaun públika. No DL 38/2012 maka kona-ba rejime formasaun no dezenvolvimentu iha funsaun públika.
Relasiona ho rejime promosaun kareira ne’ebé tinan-tinan hala’o ba funsionárius permanentes iha rejime jeral de’it, ida espesial ita foin mak hahú promosaun ho funsionáriu Parlamentu Nasionál ba tinan ne’e. Nune’e Komisaun sei kolabora ho ministériu sira ne’ebé iha rejime espesial hanesan saúde no edukasaun nian hodi realiza promosaun. Alende ne’e iha mós dekretu sira seluk ba avaliasaun dezempeñu, no direitu seluk tan liga ho funsionáriu no ajente administrasaun públika nian.
Funsionáriu ne’ebé partisipa iha formasaun ne’e hamutuk 29 kompostu husi feto nain 15 no mane nain 14.
DÍLI, 31 Jullu 2026 – Prezidente Konsellu Administrasaun Banku Nasionál Komérsiu Timor-Leste (BNCTL), Januário da…
Segunda-feira, 13 Jullu 2026 - Komisaun Funsaun Públika no Ministériu Defeza fo tomada pose ba…
Komisaun Funsaun Públika hamutuk ho Ministériu Agrikultura Pekuaria Peska no Floresta fo tomada pose ba…
Tersa-feira, 07 Jullu 2026 - Prezidente Komisaun Funsaun Públika (KFP), Agostinho Letêncio de Deus no…
MANATUTO - Ekipa integradu husi liña Ministeriais no Instituisaun Estadu sira hanesan, Komisaun Funsaun Públika-KFP,…
Prezidente, Komisárius hamutuk Sekretariadu Komisaun Funsaun Públika organiza enkontru konvokatóriu ho direjentes no kargus xefias…