Comissão da Função Pública

Komisária Komisaun Funsaun Públika responsavél ba portefóliu dezenvolvimentu kareiras espesiais, Anita Tavares de Jesus Ribeiro enkontru ho ekipa husi Ministériu Saúde kontinua diskute kona-ba situasaun profisionais saúde nian ligadu ba iha promosaun nian.

Objetivu husi diskusaun téknika ida ne’e hodi haree hamutuk situasaun profisionais saúde nian ligadu ba dadus, prosedimentus legais sira hodi apresa ba iha promosaun ba profisionais saúde sira nian.

Komisaun Funsaun Públika nota katak, dadus pessoais husi saúde halo ona averiguasaun, no dadus balun la rejistadu iha sistema, presiza atualiza atu bele ajusta dadus hodi kompleta, tanba 4 mil ne’e oituan, tanba ne’e husu atu haree dadus ne’e didiak hodi bele halo servisu ruma, hateten Komisária KFP responsavél ba portefóliu dezenvolvimentu kareiras espesiais.

Iha aprezentasaun Diretor Jeral Ministériu Saúde hateten, komparasaun dadus husi KFP no Ministériu Saúde nian halo ona verifikasaun husi munisípiu sira, no iha munisípiu rua mak identifika iha problema dadus, tanba ne’e iha tempu besik sei atualiza no ajusta iha sistema.

Iha diskusaun téknika ne’e ba problema sira ne’ebé iha, ba oin atu hadia, husi kriterius espesializada no jerais sira ne’ebé diskute mós iha promosaun por antiguidade sei haree mós, no oinsá ajusta dadus ida ho adekuadu hodi halo mós baze legal hodi haruka ba aprezenta iha Prezidente, Komisarius no Ministra, hafoin hadia loos ona mak foin aprezenta iha Konsellu Ministru.

Komisária hamutuk ho ekipa konkorda atu hadia dadus sira ho adekuadu, atu aprezenta internalmente iha KFP no Ministériu Saúde hodi haree dadus, wainhira loos ona mak sei aprezenta hikas ba iha Konsellu Ministru.

Enkontru ne’e hala’o iha tersa-feira, (29/04/2025), iha sala reuniaun KFP, Matadouro, Díli.