Comissão da Função Pública

Komisaun Funsaun Públika ne’ebé lidera husi Prezidente KFP, Agostinho Letêncio de Deus hanesan head of delegation ACCSM no Maria da Costa Oliveira SOM level ACCSM Timor – Leste hamutuk ho pontu fokal sira partisipa ASEAN CONFERENCE ON FUTURE-READY PUBLIC SERVICE ne’ebé hala’o iha Sunway Resort Hotel, Selangor, Malázia, iha 7 Outubru 2025.

Objetivu husi konferensia ne’e atu partilla prátika di’ak sira kona-ba inovasaun teknolójika, mudansa sosiál ne’ebé hamosu dezafiu foun sira ne’ebé kontinua evolui iha instituisaun servisu públiku sira.

Durante konferensia ne’e, kada paíz membru ASEAN sira kontinua partilla, diskute, no delibera ba dezafiu sira ne’ebé afeta ba governasaun iha rejiaun ASEAN nian, hodi explora aboerdajen inovativu, hodi harii instituisaun ne’ebé ágil, reziliente no prontu ba futuru ida di’ak hodi hametin kooperasaun rejionál no rede kolaborativa ba malu ba responsabilidade ida koletiva, hodi lidera transformasaun ho vizaun no objetivu sira tuir plataforma sira, ligadu ba prátika di’ak sira hodi prepara sistema servisu públiku ba futuru entre Estadu membru ASEAN sira.

Konferensia ne’e fahe ba parte mak hanesan courtesy meeting-DG PSD ho kada Head of Delegation inklui Timor-Leste. No iha biban refere KFP Timor – Leste ne’ebé lidera husi Prezidente halo introdusaun badak no agradese ba konvite no apoiu mak Malázia durante ne’e fó ba Timor-Leste.

Iha konferensia ne’e palestrante sira partilla matéria ligadu ba “Reimagining ASEAN Governance for a Digital, Agile, and People-Centered Future” by the Malaysian Industry – Government Group for High Technology (MIGHT).

Entretantu, iha sesaun plenaria aprezenta sub-tópiku tolu kona-ba : “Leading Public Service into the Future – Collaboration, Policy Innovation, and the Future of Public Service”, “Building Human Capital for the Future of Public Service”, no “Embracing Innovation and Digital Transformation in Public Service – The Role of Technology in Shaping Public Service”, ne’ebé aprezenta husi paíz membru ASEAN.