Comissão da Função Pública

Prezidente Komisaun Funsaun Públika, Faustino Cardoso Gomes akompaña husi Diretur Nasional Sistema Informatika Jestaun iha Funsaun Públika, Moises Almeida Sousa Pedroso no asesor legal, Afonso Soares enkontru ho funsionáriu sira iha Sentru Nasional Reabilitasaun (CNR) Segunda feira, (27/02/2023) iha Becora, Dili.

Durante enkontru Prezidente KFP esplika kona-ba papel Komisaun Funsaun Públika iha kontekstu Administrasaun Públika, estatutu CNR tuir dekretu-lei nu.37/2012 nu’udar institutu públika ho ninia vantajen no desvantajen servisu ne’ebé aplika rejime kontratasaun no esplika mos vantajen no desvantajen nu’udar funsionáriu públiku.

Kestoens levantadas ne’ebe funsionariu CNR aprezenta kona-ba vantajen no desvantajen muda rejime nu’udar funsionariu públiku, teste elektróniku la passa oinsa konsiderasaun, durasaun mandatu asume kargu.

Hatan ba preokupasaun hirak ne’e Prezidente KFP, Fautino Cardoso Gomes hateten, kona-ba CNR ninia planu ba rekrumentu ba funsionariu publiku, funsionariu kontratadu vantajozu liu, tanba hatene ona natureza servisu CNR nian, wainhira iha teste eletronika ne’e kompetetivu tebes no depende ba esforsu ema ida-idak nian no relsiona ho durasaun tempu assume kargu tuir dekretu lei numeru 25/2016 kona-ba rejime kargus diresaun no xefias, ita katak, iha nomeasaun ein substituisaun ba fulan neen no extende tan ba fulan neen hodi hein ba prosesu seleksaun ba meritu, ne’ebe seleksaun ba meritu ba tinan haat depende ba dezempenu no knar ne’ebe nia hala’o.

Hafoin enkontru Prezidente KFP akompana husi Diretor Jeral Koorporativu MSSI, Rui Manuel Exposto no Diretora CNR, Maria Santina de Jesus Gomes halo vizita ba sala departamentu CNR ida-idak hodi haree kondisaun, fasilidade sira no rona diretamente ba prosesu atendimentu  ba pasiente sira.

Partisipa iha enkontru ne’e kargus diresaun xefias no funsionariu Sentru Nasional Reabilitasaun hamutuk 92 kompostu permanente nain 3, feto nain 2 mane 1, enkuantu  kontratadu hamutuk nain 90 kompostu,  feto 36 no mane 53.