Comissão da Função Pública

Komisaun Funsaun Públika no Ministériu Saúde realiza serimonia asinatura termu aseitasaun ba funsionáriu foun nain 17 hodi ingresa ba Funsaun Públika.

Iha asinatura termu aseitasaun ne‘e konkorentes hamutuk 851 kompostu husi feto 550 (65%) no mane 301 (35%). Iha prova eskrita total 72 kandidaturas 8% mak pasa ba prova eskrita feto 49 (68%) mane 23 (32%)  no la admitidu 92% (779) kandidatu feto 61%(478) mane 39% (301). Husi rezultadu avaliasaun dokumentus iha reklamasaun husi  aplikantes nain 5 (0,59%).

Provas eskrita iha loron 06 dezembru 2022 ho rezultadu nain 18 (25%) maka pasa ba prova oral no 54 (75%) kandidatu mak la pasa ba prova oral.

Kandidatu 17 ne‘ebé mak pasa iha prova oral no hetan desizaun husi KFP no  sei koloka iha diressaun nasional sira iha servisu sentrais ministériu saúde, tuir kolokasaun fatin servisu publika iha termu referensia konkore ba.

Iha serimónia solene ne’e Prezidente KFP hato’o parabéns ba emposadu sira katak, ekipa servisu hamutuk entre ministériu saúde no KFP fasilita prosesu sira ne’e la’o no ba konkursu ne’e públiku mak index kompetitividade to’o 29 por vaga husi 52% pursentu vagas definidas mak konsege passa, no vaga seluk mak sei reanunasiu.

Lori mós KFP nia naran kongratula ba ekipa painel juri no ministériu saúde, lia hirak ne’e hato’o husi Prezidente Komisaun Funsaun iha serimónia asinatura termu aseitasaun ba rekrutamentu publiku regime karreira jeral ba tekniku professional grau D iha salaun Palácio das Cinzas, Ministériu Saúde, Caicoli.

Iha tempu hanesan Vise Ministru Saúde Bonifácio Maucoli dos Reis iha ninia diskursu hateten, Ministériu Saúde ninia papel mak oinsá atu asegura no fortifika sistema nasionál saúde iha nviel sentr, no estabelesimetnu kuidadus prestasaun saúde hanesan ospitál nasional, rejional, munisipal, sentru saúde, postu saúde sira, SISCa no saúde família. Parte esensial sira ba dezenvolvimentu rekursu umanus ba saúde ne’ebé adekuadu, forte no profisional, halo kolokasaun, destakamentu no distribuisaun rekursu ida ne’ebé ekuitativu ba to’o nivel karaik.

Vise Saúde mós espeta katak, kompromisu, dedikasaun no profisionalizmu nu’udar funsionáriu servidor Estadu, tenke kaer metin prinsipiu hodi tau as interese nasaun, tenke hatudu interidade, inisiativa, responsabilidade, onetisdade, lealdade, respeitu, konfidensialidade, autodisplina, reziliensia nafatin iha ida-idak nia servisu fatin lor-loron nian nu’udar ema profisional.

Emposadu ne’ebé hetan asinatura termu aseitasaun hamutuk ema nain 17, kompostu husi feto nain 8 no mane nain 9.