Comissão da Função Pública

Ministru Administrasaun Estatal Tomás Cabral Reprezenta Primeiru Ministru, Vise Ministru Asuntus Parlamentares Adérito Hugo da Costa, Prezidente Komisaun Funsaun Públika Faustino Cardoso Gomes ho Komisárius, inklui Eis-prezidente  KFP Primeiru Mandatu Libório Pereira ho nia Eis-Komisárius entrega prémiu ba manan nain sira ne’ebé partisipa iha jogus feto no mane husi linha ministériais sira, iha komemorasaun Loron Nasional Funsaun Públika iha Centro Convenções Dili Segunda-feira ne’e.

Jogu sira maka hanesan, Basket-bola Feto, primeiru lugar Ministériu Saúde, segundu lugar Ministériu Finansas no terseiru lugar Ministériu Edukasaun Juventude no Desportu-MEJD, enkuantu Basket-bola mane primeiru lugar KFP, segundu lugar Ministériu Agrikultura no Peskas no terseiru lugar Ministériu Justisa, enkuantu Futsal Mane, primeiru lugar PNDS, segundu lugar MAE no terseiro lugar MS, nune’e mos Kompetisaun Koral no atividade sira seluk tan.

Iha Komemorasaun Loron Nasional Funsaun Públika, KFP mos halo lansamentu ba Kartaun foun ba Funsionáriu Públiku sira, lansamentu SIGAP-Foun hodi funsionáriu sira bele hetan asesu iha telemóvel sira, inklui lansamentu Dashboards hodi fasilita servisu administrativu, ne’ebe prepara husi Tékniku Timor Oan sira, apoiu husi Asesor Internasional iha KFP.

Komisaun Funsaun Públika liu husi Unidade Dezenvolvimentu Sistema Integradu Funsaun Públika-UDSIFP Dezeña no Públika ba públiku tomak link Dashboard dadus Funsaun Públiku maka hanesan tuir mai ne’e : 

https://bipublic.cfp.gov.tl/public/dashboard/c0121995-9855-4190-98b3-ad463f38bf91

Prezidente KFP sulinha katak sistema ne’e sei fasilita prosesu rekrutamentu sira, selesaun no promosaun sira uza sistema elektróniku. Sistema ne’e lansa diretamente husi Ministru Administrasaun Estatal Tomás Cabral Reprezenta Primeiru Ministru.

Iha Diskursu S.E. Ministru Tomas Cabral kompromete katak IX Governu Konstitusional sei servisu hamutuk ho projetu Kooperasaun-PNUD hodi hahú loke Sentru de Atendimentu  Públiku iha Munisípiu sira iha Liquiça, Dili, Manatuto no Baucau.

Iha inísiu Komemorasaun loron Nasional ne’e, Prezidente Komisaun Organizadora Paulino Kintas sente Orgullu tanba komisaun hetan apoiu husi parte oi-oin hodi serimonia Komemorasaun ne’e lao diak to’o nia rohan, maske durante implementasaun programa sira enfrenta problema no dezafiu oi-oin.

Orsamentu ne’ebé uza ba Komemorasaun loron Nasional ne’e hamutuk   60 Mil resin husi Ministerio Asuntus Parlamentar no Komunikasaun Sosial-MAPKOMS rasik. Enkuantu Vise Ministru Asuntus Parlamentares Adérito Hugo da Costa liu husi nia diskursu konvida partisipantes atu apresia aas tebes ba servisu no planu Prezidente Komisaun Organizadora Paulino Kintas ho nia ekipa tomak, tanba assume responsabilidade ho susesu maske espasu servisu ki’ik ba ida.