Comissão da Função Pública

Prezidente Komisaun Funsaun Públika-KFP, Faustino Cardoso Gomes akompaña husi Komissário Fausto Freitas da Silva da Silva partisipa iha loron dahuluk debate programa IX Governu Konstitusional iha Uma Fukun Parlamentu Nasional, loron 18/07/2023.

Iha debate programa liu husi sesaun plenária ne’e hahu ho substituisaun temporáriu husi deputadu balun no tuir kedas ho intervensaun husi Primeiru-Ministru, Kay Rala Xanana Gusmão, kona-ba programa sira ho prioridade hirak ne’ebé governu sei halo durante tinan lima nia laran hanesan reafirma Estadu Direitu Demokrátiku, Dezenvolvimentu Kapital Sosial, Dezenvolvimentu Infraestrutura sira, Dezenvolvimentu Ekonómia, Konsolida Governasaun no Promove Governasaun diak no Kombate Korupsaun.

Hafoin aprezentasaun husi Primeiru-Ministru, Bankada Parlamentar sira halo intervensaun ligadu ba programa governu nian no hetan kedas resposta husi Primeiru-Ministru.

Liu husi diskusaun naruk, Prezidente Parlamentu Nasional ho autorizasaun bankada sira deside taka sesaun debate loron dahuluk refere tuir giaun ne’ebé aprovadu, tamba la iha ona inskrisaun ba instervensaun husi deputadu sira, nune’e sesaun debate kontinua ba loron 19 fulan jullu tinan 2023.

Iha loron dal-rua nian, kontinua ho diskusaun programa IX Governo Konstitusional nian, ne’ebe iha sesaun ikus, Primeiru Ministru retira nia pedidu voto konfiansa husi Deputadu sira, tuir sujestaun husi Deputadu Bankada Fretilin nian, hodi rezulta membru Depatudu sira iha uma Fukun Parlamentu Nasional fo vota konfiansa no aprova Programa IX Governo Konstitusional nian ho Unanimidade, iha uma fukun Parlamentu Nasional.