Comissão da Função Pública

Prezidente Komisaun Funsaun Públika, Agostinho Letêncio de Deus partisipa tomada de posse ba kargus ba Diretor Unidade Servisu Deskonsentradu MCI ba  Munisípiu Lautem, Cornelis Barreto no Sub-Inspetor Gabinete Auditoria Interna, Justino Belo iha Ministeriu Komersiu Industria.

Liu husi diskursu Prezidente KFP, Agostinho Letêncio de Deus sai sabin ba posse ne’e, husu ba emposadu sira atu asume responsabiliade, hodi presta dezempeñu servisu ba ita nia estadu RDTL, husu atu lealdade ne’e 100 pursentu la iha limitasaun ba prosesu tomak iha Administrasaun Públika nian, ezije atu prontu servisu.

Prezidente Agostinho Letêncio de Deus lori Komisaun Funsaun Públika nia naran hato’o ba emposadus katak, emposadu nain rua ne’ebé simu posse kompromete katak, iha lealdade, serví ba interesse públiku, kontribui no mantein servisu la haree ba kór, familia ka amigus, maibé haree ba iha interese publiku aas liu hot-hotu, ba buat ne’ebé iha ona kontinua, presiza mós reajusta no mellora buat ne’ebé ita presiza, kreativu no inovasaun iha servisu ne’ebé halo hodi garante ba boa Governasaun tuir konseitu polítiku IX  Governu nian.

Ministru Komersiu Industria, Nino Pereira iha diskursu hateten, posse ida ne’e kompleta ona estrutura MCI husi nasional to’o munisípiu ne’ebé preparadu ona atu asegura servisu funsionalizmu públiku nian, husu  ita bo’ot sira asume ona responsabilidade ezije ita atu hatudu ba públiku kona-ba prestasaun, kualidade servisu, ezerse energia no uza matenek tomak ba servisu ida-idak nia área, hatudu nia rezultadu másimu ba públiku.

Serimónia tomada de posse ne’e hala’o iha segunda-feira, (07-10-2024) iha salaun MCI – Mandarin.