Categories: Notícias

Ministériu Defeza no KFP Fó Pose Ba Diretor 2

Ministru Defeza no Komisariu asuntu disiplinar reprezenta Komisaun Funsaun Públika fo pose ba diretor nain 2 ba diresaun Polítika Defeza Internasionál no Diresaun Polítika Kooperasaun Internasionál Ministériu Defeza nian.

Iha Diskursu Komisáriu asuntu Disiplinár Komisaun Funsaun Públika (KFP), lori KFP nia naran fó parabéns no apresiasaun ba inisiativa Ministériu Defeza ne’eb’e konsege realiza selesaun pur méritu ba kargu diresaun no xefia sira ne’eb’e mak durante ne’e sei ezerse hela ho rejime ein substituisaun.

Alende enkoraja Instituisaun sira hotu atu realiza selesaun por méritu, KFP mós hato’o ninia prontidaun atu servisu hamutuk ho Instituisaun ka Ministériu sira hodi bele realiza selesaun por méritu ba kargu diresaun no xefia sira.

“Ba Emposadus sira, ha’u hato’o kongratulasaun ba imi nia esforsu, tanba ohin imi hetan nomeasaun ba kargu liu husi selesaun por méritu, ne’ebé liu husi prosesu ida kompetetivu teb-tebes entre kandidatu sira ne’ebé konkore, liu husi iha faze lubuk ida, avaliasaun no teste lubuk ida. Tanba ne’e, kandidatu ne’ebé admitidu ba konkursu ne’e, signifika nia maka kandidatu ida ne’ebé konsege hetan rezultadu mellor husi konkursu ida ne’e. Buka atu esforsu a’an liu tan hodi dezempeña imi nia funsaun ho kualidade hodi presta servisu ida-idak ba ita ninia populasaun no ba Nasaun liu husi kargu ne’ebé dadauk ita bo’ot sira hetan posse. No enkoraja mós kandidatu sira seluk ne’ebé konkore hamutuk iha konkursu ida ne’e mós atu labele lakon imi nia korajen, nafatin esforsu-a’an no buka aprende nafatin, hodi koko oportunidade sira seluk ne’ebé sei mai,” hateten komisariu KFP, Fausto Freitas da Silva iha serimonia pose iha Ministériu Defeza, Fatuhada, Dili.

Atu hakotu nia diskursu, kontinua enkoraja ba Emposadus sira atu kumpri sira nia dever hanesan funsionáriu públiku, hanesan mós dirijente ida, tenke hala’o kna’ar ho responsabilidade, kria ambiente servisu ida ne’ebé di’ak ho superiór sira no mós subordinadu sira, hodi bele kontribui ba Instituisaun ninia planu no objektivu sira. Ho espíritu no motivasaun foun ne’ebé ita bo’ot sira iha, ha’u nia deseju sai servidór di’ak, li-liu sai dirijente ida di’ak no ezemplar hodi presta servisu ida ho alta kualidade ba Timor Leste.

Share
Tags: MD

Recent Posts

Ekipa Konjunta Vizita Surpreza ba Servisu Portu Tibar

Ekipa konjunta husi KFP, KAK, IGE no Patrimoniu Estadu halo vizita surpreza ba iha portu…

1 mês ago

Komisáriu KFP Esklarese ME iha ona Polítika hodi Solusiona Problema Eis Professores Kontratadus

Komisáriu Portofóliu Forsa Traballu Komisaun Funsaun Públika, José Telo Soares Cristovão hateten, problema ida ne’e…

2 meses ago

Reuniaun Interministerial Aprezenta Ajenda Importante 8 Ba Preparasaun Timor-Leste Nian Ba Membru Plenu ASEAN Ba Dala 11 Iha Fulan Outubru

Primeiru-Ministru Kay Rala Xanana Gusmão prezide reuniaun koordenasaun interministerial ba segimentu kona-ba deklarasaun Prezidensia Simeira…

2 meses ago

2026: 2,131 Funsionárius Sei Tama Reforma Obrigatóriu

Estatutu Funsaun Públika depois hetan autorizasaun husi Parlamentu ho lei númeru 7/2024, no halo alterasaun…

2 meses ago

KFP Aprezenta Relatóriu Anual 2024 Iha Plenaria PN

Tersa-feira, 03 Juñu 2025 – Prezidente, Komisarius Komisaun Funsaun Públika akompaña husi Sekretária Ezekutiva no…

2 meses ago

Suspende Rekrutamentu Ba Rejime Jeral Iha Funsaun Públika, Exeptu Ba Rejime Espesiais

Suspensaun ba rekrutamentu ne’ebé mak Konsellu Ministru suspende baze ba pedidu husi Komisaun Funsaun Públika…

2 meses ago