Comissão da Função Pública

Prezidente Interinu Komisaun Funsaun Publika Komisáriu asuntu disiplina, Agapito da Conceição  partisipa  serimónia asinatura Termu Nomeasaun ein substituisaun no ein komisaun servisu hodi ezerse kargus diresaun xefias iha Ministériu Defeza iha kinta –feira, (08/02/2024) iha salaun Ministériu Defeza, Fatuhada Díli.

Iha diskursu Prezidente Interinu KFP, Komisáriu asuntu disiplina, Agapito da Conceição dehan, liga ho rekursu umanus ne’e papel KFP nian iha Administrasaun Públika Timor–Leste, relasiona ho kargus diresaun xefias ne’e knár foun ba estutura foun, ne’ebé sita iha estatutu Funsaun Públika liga ho étika, deveres no obrigatóriu sira no direitu sira iha Funsaun Públika.

Komisáriu ne’e husu ba emposadu nomeadu ein substituisaun sira atu hatudu servisu ida ho profisionalizmu iha Administrasaun Públika, hatudu imparsialidade nu’udar funsionáriu públiku no tenke suporta ba Govenru foun ne’eb liuliu ba IX Governu ninia programa ne’ebé definidu. No tuir lei, prosedimentu sira ne’ebé mak iha, maibé kuandu la kumpri no mosu ireguladade sira ne’e, husi KFP sei toma desizaun ba kestaun sira ne’e hotu tuir prosedimentu ne’ebé vigora.

Nia mós kontinua enkoraja, liga ho direitu hotu ne’ebé iha Komisaun Funsaun Públika sei atende tuir deveres sira ne’e, ita tenke rejeita buat ne’ebé mosu iregularidade, kuandu liga ho ezekusaun orsamentu sira ba atividade ne’ebé mak ita iha, hala’o knár ho responsabilidade, prontu serbí ba ita nia nasaun.

Iha tempu hanesan Ministru Defeza, Pedro Klamar Fuik iha ninia diskursu hateten, hanesan satisfasaun ida plenidude ba responsabilidade ida hodi fó posse ba estutura ida ne’e hodi kontinua konstitui nesesidade ida atu konkretiza forma ida foun, efetiva tuir lei organiza ne’ebé aprovadu iha IX Governu Konstitusional.

Ida ne’e ba kargus diresaun no xefias sira hanesan jornada foun ida ba imi hotu hodi inisia jornada profesional ho imi nia responsabilidade sira hodi serbí ita nia Estadu no nasaun iha públiku ein jeral.

Partisipa iha serimónia ne’e Ministru Defeza, Xefe Estadu Maior  Jeneral Forsas Armadas Tenente Jeneral, Falur Rate Laek, Prezidente Interinu KFP, Korpu Komandu no Estadu Maior, Sr. Almirante Silva Ribeiro, Padre Kapelaun, no funsionárius sira iha Ministériu Defeza.