Comissão da Função Pública

07 outubru 2024, Ministru Prezidensia Konsellu Ministru Interinu Sekretáriu Estadu Komunikasaun Sosial, Expedito Dias Ximenes, Vise-Ministru Asuntu Parlamentar, Adérito Hugo da Costa, Prezidente Komisaun Funsaun Públika, Agostinho Letêncio de Deus no Prezidente Institutu Nasional Seguransa Sosial, Arlindo Pinto akompaña husi Sekretaria Ezekutiva no ekipa téknika partisipa iha plenaria Parlamentu Nasionál hodi rona aprezentasaun autorizasuan legislativa materia fiksasaun limite idade relasaun ba iha serbisu funsionárius públikus no ajentes administrativus ninian ne’ebé liu husi IX Governu Konstitusional aprezenta ona proposta lei refere.

Ligadu ba lei númeru 8/2004, 16 juñu ne’ebé aprova estatutu funsaun públika, alterada ba lei númeru 5/2009, 15 jullu, relasaun ho traballu iha administrasaun públika termina ho mate, ezonerasaun, despedimentu, apozentasaun ou demisaun nian. Ho razasaun ne’e iha atual legislasaun la existe ba iha limite legal ba funsionárius públikus no ajentes administrativos ba iha reforma obrigatoriedade nian ou apozensaun, liu husi pensaun no vellise wainhira atinji ba iha idade mínima legalmente fixadu no kompleta tuir tempu servisu, nune’e Governu hanoin atu haree ba idade traballadores estadu ne’ebé kontinua exerse sira nia funsaun sira durante tempu tomak iha funsaun públika.

Husi proposta lei ne’ebé aprezenta ona husi governu liu husi Vise-Ministru Asuntu Parlamentar Adérito Hugo da Costa iha fulan kotuk ba Komisaun A – Parlamentu Nasionál hodi ajenda iha plenaria ba iha aprovasaun jeneralidade ba kada artigu proposta nian, ho votus afavor 38, abstensaun 3 no kontra zero, hafoin aprovasaun Parlamentu Nasional ne’ebé lidera husi Prezidente Maria Fernanda Lay hodi fó tempu durasaun loron 180 (durante fulan neen) ba Governu atu defini idade limite ba reforma nian iha Adminsitrasaun Públika.

Hafoin remata definisaun idade limite husi Governu, Proposta Lei refere sei fila fali ba iha Parlamentu Nasional hodi debate ba final Globál.