Comissão da Função Pública

Segunda-feira, 06 Janeiru 2025 – Komisáriu responsavél ba portefóliu Planeamentu Forsa Traballu José Telo Soares Cristovão hetan entrevista husi média Timor-Post no GMN kona-ba Rezultadu Promosaun Jeral 2024.

Komisáriu José Telo Soares Cristovão esplika, Rezultadu Promosaun Jeral 2024 ne’e públika iha 23 Dezembru 2024 total 817 pesoas ne’ebé kompostu husi kategória grau B-A total 47 pesoas, kategória grau C-B total 122 pesoas, kategória grau D-C total 188 pesoas, kategória grau E-D total 234 pesoas, kategória grau F-E total 149 pesoas no kategória grau G-F total 77 pesoas.

Husi rezultadu ne’ebé públika iha duransaun loron lima nia laran mak funsionáriu sira la satisfaz ho rezultadu sei hatama rekursu ba iha Painé Juri no iha funsionariu na’in tolu mak hato’o rekursu husi katégoria grau C-D na’in rua no katégoria grau E-D na’in ida, tanba valór husi dokumentu husi inisiu no ida rezultadu ne’e mak la hanesan maibé ne’e fila fali ba Painél Juri sei haree kona-ba ida ne’e tanba Komisaun Funsaun Públika so halo homologasaun de’it, dehan Komisariu responsavél ba portefóliu Planeamentu Forsa Traballu iha nia knar fatin.

Komisáriu José Telo Soares Cristovão mós esplika, Teste Promosaun ne’e tinan-tinan la’o hela maibé funsionáriu sira ne’ebé mak tuir teste iha 2024 sei hein tan tinan haat mak tuir fila fali teste promosaun ne’e, funsionáriu sira ne’ebé la liu ne’e la’ós sira la sira la hatene maibé valor ne’e tuir ranking de’it.

Teste Promosaun ba tinan ida ne’e hahú hili tuir sektoral. Total Funsionáriu ne’ebé tuir teste Promosaun hamutuk 7.630 maibé tuir teste ne’e total 6.307.