Comissão da Função Pública

Komisaun Funsaun Públika liu husi  koordenasaun entre Polisia Nasional Timor-Leste (PNTL) ho Gabinete Inspesaun no Auditoria  KFP organiza reuniaun trimestral ho inspetores no auditores  Funsaun Públika ho Inspesaun  Jeral  Estadu (IJE) ho tema “Obstakulu ho dezafius servisu kontrolu interna  atu asegura boa governasaun  iha âmbitu governativa foun”.

Objetivu Enkontru  trimestral ho Inspetor no auditor sira hodi partilla ba malu informasaun relativamente ho servisu inspesaun no auditoria no asuntu tranversal sira seluk hodi reforsa no hametin papel servisu inspetoria no auditoria iha setór públiku liu husi suprevizaun no avaliasaun.

Iha abertura ne’e Inspetor Jeral PNTL Superidentende, Jorge Monteiro agradese ba KFP no IJE ne’ebé oportunidade ba Instituisaun PNTL hodi sai hanesan uma nain ba iha enkontru ne’e, no konsidera katak, tema ne’e importante tebes ba inspetor sira hodi asegura metódu, mekanizmu no jestaun hodi hala’o knár, reponsabilidade ba servisu tuir lei no regulamentu sira hodi apoiu Govenu iha prosesu dezenvolvimentu nasional iha aspetu hot-hotu.

Iha tempu hanesan Inspetor Jeral Estadu, Francisco de Carvalho husu atu kontinua asegura servisu inspetoria no auditoria tuir papel ne’ebé iha, no tuir progama IX Governu nian liga ho knár konsolidasaun konstrutiva, boa govenasaun, servisu barak iha misaun públika, parte ida oinsá atu realiza atividade kontrolu ba entidade sira Estadu nian, no oinsá ba oin hamutuk atu identifika dezafiu sira ne’ebé mak iha hodi solusiona problema.

Liu husi reprezentante Prezidente KFP, Inspetora KFP Sonia da Silva Soares hateten, inspetor tantu instituisaun direta no indireta sira atu tau importansia másimu ba kestaun efikasia iha servisu inspetorial iha nivel instituisaun ida-idak nian, enkoraja mós atu haree ba kestaun prosesu investigasaun ne’ebé mak kada instituisaun pelo menos realiza investigasaun preliminariu hodi enkamiña rezultadu mai KFP hodi rejista.

Nune’e Inspetora KFP lori liamenon Prezidente KFP katak, KFP submete ona proposta dekretu lei maibé to’o agora seidauk aprova, segundu kona-ba formasaun, no husu atu instituisaun ida-idak atu inteira no komprende didiak programa IX Governu Konstitusional nian ne’ebé liga ho sira nia papel hodi asegura servisu auditoria no inspetoria.

Reuniaun trimestral ne’e partisipa husi inspetores no auditores mai husi liñas ministeriais tantu direta no indireta sira, ne’ebé mak realiza iha Komandu Jeral PNTL, Caicoli, iha sesta feira, (29/09/2023).