Comissão da Função Pública

Ministériu Edukasaun no Komisaun Funsaun Públika ne’ebé realiza teste ba profesores ba bolsa kandidatus ne’ebé mak ba primeira faze 500 ital mak passa no ba posse 400 ital de’it mak asina termu aseitasaun.  Ba faze daruak ninian to’o finaliza horseik (17/07/2024) iha ona total kandidatus ne’ebé pasa iha teste provizoriamente sura hus pontus 60 ba leten ne’e ema 2,400 ital ona mak pasa, esplika Prezidente Komisaun Funsaun Públika, Agostinho Letêncio de Deus ba media GMN TV hafoin entrevista iha programa Dader Kmanek iha stúdiu Bebora.

Ba faze rua nian ne’ebé realiza, se ita tau hamutuk husi primeira no segunda faze nian total 2,800 ona mak prense vaga ne’ebé definidu, dehan Prezidente KFP

Prezidente KFP konsidera, ita mós haree hela ho númeru professores rekrutadus ne’ebé iha bele responde ona kestaun ida menus professores li-liu iha áreas remotas.

Nune’e ba servisu hamutuk Komisaun Funsaun Públika ho Ministériu Edukasaun haree katak, aplikasaun vagas ba professores sira bazeia ba sira nia espesialidade,  hanesan matemátika, istória, língua, fízika no materia seluk tan ne’e depende ba materia ne’ebé sira hili atu koresponde ba situasaun eskola sira nian, subliña Agostinho Letêncio de Deus iha GMN Bebora, iha kinta-feira, (18/07/2024).

Komisaun Funsaun Públika responsabiliza no fasilita de’it iha teste, maibé ba kolokasaun sira ba eskola ne’e kompeténsia Ministériu Edukasaun nian, enkuantu ba destakamentu professores Komisaun entrega hikas ba Edukasaun hodi haree, dehan nia.