Comissão da Função Pública

Categories: Notícias

Vizita Prezidente Repúblika Mai KFP

DILI, 05 MAIU 2026 – Prezidente no Komisárius Komisaun Funsaun Públika hamutuk ho Sekretária Ezekutiva no Estrutura SKFP tomak, ne’ebé hetan visita kortejia Sua Excelênsia Prezidente Repúblika, Dr. José Ramos-Horta, ba edifísiu E-Recrutamento Komisaun Funsaun Públika (KFP) iha Matadouro, Dili.

Visita ne’e ho objetivu atu transforma Funsaun Públika sai profisionál no efisiente liu.

Prezidente Repúblika demókratika de Timor-Leste, Dr.José Ramos Horta iha intervensaun katak servisu Profisionalizmu no Kompeténsia.

Alende ne’e Xefe Estadu subliña katak “makína Estadu” sei falla se funsionáriu sira la iha kapasidade téknika. Susesu administrasaun depende ba funsionáriu ne’ebé iha kualifikasaun (curriculum) no hatene didí’ak sira-nia knaar (job description).

Entretantu iha Mensajen Prinsipál hosi Prezidente Repúblika demókratika Timor-Leste (RDTL), sua excêlensia Prezidente RDTL, husu ba Komisaun Funsaun Públika (KFP), atu organiza-an hanesan kompania boot sira ne’ebé susesu, foka ba rezultadu konkretu no kria kultura servisu ne’ebé iha dedikasaun no orgullu, Aprende hosi Fallansu, dehan Prezidente Dr. José Ramos Horta no foti ezemplu fallansu instituisionál iha rai-li’ur (Swissair) hodi fó avizu katak desizaun ne’ebé sala no falta efisiénsia bele lori prejuízu boot ba finansas Estadu nian, ne’ebé dala ruma obriga Governu atu gasta osan billaun ba billaun.

Nune’e iha biban ida ne’e, Prezidente RDTL, hateten katak atu Hamenus Burokrasia presiza Diskursu ne’ebé kritika mós “funsionalismu” ka burokrasia resin ne’ebé la fó rezultadu.

Alende ne’e Prezidente RDTL hato’o katak kualidade funsionáriu mak xave hodi evita krize no garante dezenvolvimentu nasaun nian.

Iha Visita ida ne’e, Prezidente Komisaun Funsaun Públika halo mós aprezentasaun kona-ba desafius, progresu alkansadu no prioridade estratégika mandatu da-ha’at.

Enkontru ne’e hetan partisipasaun másimu hosi Prezidente no Komisárius Komisaun Funsaun Públika(KFP), Sekretária Ezekutiva, Kargus Diresaun xefia no funsionárius Sekretáriadu Komisaun Funsaun Públika(SKFP).