Comissão da Função Pública

Aniversáriu FDCH ba dala 13 ho tema “Dezenvolevimentu Kapital Umanu ne’ebé forte hodi kontribui no reforsa prosesu dezenvolvimentu Timor-Leste hahú ba objetivu Planu Estratejiku Dezenvolvimentu Nasionál (PEDN) 2011-2030”, kontinua reforsa dezenvolvimentu kapital umanus.

Serimónia Aniversariu hahú ho misa agradesimentu iha igreja parokia Balide ne’ebé dirije husi Padre Angelo Salsinha iha nia humilia husu ba membru Governu nu’udar servidor Estadu atu halo esforsu no hakaás an hodi luta ba bem comun ba sosiadade Timor oan sira nia ba iha Justisa, ekonomia, dame no estabilidade komunikasaun, kultura hodi halo planu dezenvolvimentu hodi lori tranformasaun ba povu tomak nia istoria ba moris di’ak iha sosiadade tomak. Bibi atan ne’ebé di’ak presiza banati tuir modelu Nai Jesus Cristo nian hodi hakuak no akumula ema tomak sein haree ba koor, rasa no relijiaun.

Hafoin misa kontinua ho serimónia selebrasaun Aniversariu FDCH iha Hotel Novo Turismo konta ho partisipasaun husi Ministru Planeamentu no Investimentu Estratejiku ne’ebé hanesan Prezidente Konsellu Administrasaun FDCH Gastao Fransisco de Sousa hamutuk membru Konsellu Admnistrasaun kompostu husi Ministro Petroleu no Minarai Fransisco da Costa Monteiro, Ministru Justisa Sergio Hornai, Ministro Ensinu Superior, José Onorio da Costa Pereira Geronimo, Sekretariu Estadu SEFOPE Rogerio Araujo Mendoca, inklui director Ezekutivu Sekretariadu Tekniku FDCH hamutuk ho funsionariu sira.

Durante diskursu Prezidente Konsellu Administrasaun no membru konsellu Administrasaun FDCH sira hatudu komitmentu hodi husu parte hotu atu servisu hamutuk ho responsabilidade atu utiliza fundu dezenvolvimentu kapital umanu ne’e ho di’ak atu bele nune’e kria rekursu umanus ida kualidade hodi asegura dezenvolvimentu ho sustentabilidade hodi lori mudansa ba moris di’ak povu tomak nian.

Serimónia aniversáriu ne’e partisipa mós husi SSekretaria Ezekutiva Sekretariadu Komisaun Funsaun Públika, Maria da Costa reprezenta Prezidente Komisaun Funsaun Públika ne’ebé sai hanesan parseiru prinsipal iha Rekursu Umanus ninian no sai mós hanesan grupu Kuadrilateral ba Boa Governasaun nian, no serimónia ne’e hala’o iha hotel novo turizmu, Lecidere iha sabadu -23/03/2024.

Serimónia Aniversariu ensera ho serimonia konfraternizasaun.