Comissão da Função Pública

Categories: Notícias

Enkontru GJPRU III: UNTL Prioritiza Polítika Rekursus Umanus no Harmonizasaun Leis, Dekretu Leis Liga Jestaun RU iha FP

????????????????????????????????????

Kuarta feira, 29 Maiu 2019 – Grupu Jestores Profisionais Rekursus Umanus (GJPRU), hala’o enkontru ba datoluk ne’ebé organiza husi Universidade Nasional Timor Lorosa’e (UNTL) ho tema rua ho tópiku : Polítika Jestaun Rekursus Umanus Timor-Leste no Harmonizasaun no Implementasaun Leis no Dekretu Leis Liga ba Jestaun Rekursus Umanus.

Enkontru ne’e loke ofisialmente husi reprezentante Prezidente KFP Sekretaria Ezekutiva, Maria de Jesus Sarmento.

Iha abertura ne’e Sekretaria Ezekutiva hateten, nia kontenti tebes tanba loron ohin UNTL organiza enkontru ne’e hetan partisipa masimu husi estrutura dirijentes UNTL nian, no matéria ne’ebé mak aprezenta mai husi Prof. Dr nain rua ne’ebé mak iha área espesifika ba ida ne’e.

Sekretaria Ezekutiva, Maria de Jesus Sarmento mós lori Komisaun nia naran kongratula no agradese ba UNTL ne’ebé mak organiza enkontru GJPRU ba datoluk.

Orador Prof. Dr. Valentim Ximenes no orador husi parte sorik karuk Pe. Julio Crispim Ximenes Belo halo Aprezentasaun materia iha enkontru GJPRU ba datoluk
Foto : Media CFP

Iha sesaun aprezentasaun ne’e Dr. Valentim aprezenta kona-ba polítikas integradas jestaun rekursus umanus ba inovasaun Funsaun Públika Timor-Leste, ho objetivu atu promove polítika jestaun rekursus umanus integrada ida atu prestijia misaun Funsaun Públika ho nia ajente sira hodi hadiak prestasaun servisu, promove pratika diak iha jestaun denominada iha jerensializmu atu dimaniza organizmu públiku no kualifika funsionariu sira bazeia ba valores sira iha Funsaun Públika, no eleva grupu jestores rekursu umanus ho ideias inovadores sira oinsa atu dinamiza no administra rekursu umanus iha instituisaun ida-idak ho forma integrada.

Padre Julio Crispim Ximenes Belo nia aprezentasaun haree liu ba oinsa harmonizasaun leis no dekretus leis sira liga ho jestaun rekursu umanus nian atu lei ne’ebé kria labele ses malu no atu hadia rekursu umanus iha Funsaun Públika ho exelente no profisional.

Orador ba sesaun aprezentasaun ba materia ne’e Prof. Dr. Valentim Ximenes ho Pe. Julio Crispim Ximenes Belo no partisipante iha enkontru ne’e estrutura dirijentes UNTL, no jestores rekursus umanus husi instituisaun no ministériu sira hotu hamutuk 170.

Foto : Media CFP