Comissão da Função Pública

Kinta Feira, 7 setembru 2023, Komisaun Funsaun Públika-KFP konvoka enkontru ida ho Institutu Nasional Administrasaun Públika-INAP, inklui Instituisaun relevante sira seluk iha Comoro-Dili hodi deskute kona-ba planu formasaun Fundo Desenvolvimento Capital Humano-FDCH tinan 2024 nian.

Iha enkontru ne’e Diretor Nasional Planeamentu Kuadru Pessoal Funsaun Públika-DNPQPFP Francisco da Costa Pereira halo aprezentasaun kona-ba Planu Formasaun Fundu FDCH ba tinan Fiskal 2024 nian, ne’ebé hahú ona ho rekoñementu daduz iha tinan 2022 no rejista tiha ona, maibé presiza halo revizaun tanba planu Formasaun ba Funsionáriu sira ba tinan 2024 halo mudansa iha nonu Governu Konstitusional nian.

Prezidente Komisaun Funsaun Públika Faustino Cardoso Gomes iha Enkontru ne’e hateten Orsamentu iha fundu FDCH ne’e bo’ot teb-tebes, iha âmbitu konsolidasaun Institusional ba Dezenvolvimentu Administrasaun Públika, iha parte rekursu umanu nian.

Iha Sirkustansia ne’ebé  anota ho sentidu ne’ebé relevante iha enkontru  ne’e, maka nonu Governu Konstitusional hahú dezempeñu nia mandatu hahú husi 1 de Julhu 2023, nia prosesu konsolidasaun ba  Estrutura  Organika la’o hela, balun konsegue aprova no promulga Estrutura hodi fó serteza ba funsionamentu Instituisaun sira, balun seidauk, Instituisaun balun halakon no balun desvinkula husi Ministériu ida ba fali Ministériu seluk.

Presidente KFP hateten, dinamika ida hanesan ne’e ezije ajustamentu ba Jestaun, polítika, inklui polítika ba Formasaun ninian, sem duvidas ba jestaun pesoal ninian, Ministériu balun halo ona ajustamentu ba Jestaun Rekusu  Umanu, Nomeasaun foun ba prienxe nia Estrutura, hanesan Ministériu Agrikultura Peskas, Pekuaria no Floresta, Ministériu Estatal, Ministériu sira seluk mós hahú prosesa ona.

Prezidente subliña liu tan katak orsamentu tinan 2024 iha tempu badak hahú ho ninia jornada no tenke prontu prepara-an halo planu ba Jestaun Instituisaun inkluindu Formasaun, ezije duni halo ajustamentu, kompriende aliña planu polítika nonu Governu Konstituisional nia mudansa ba prioridade Desentralizasaun poder lokal.

Iha parte seluk Diretor Geral-DG INAP Agustino Letencio de Jesus liu husi nia intervensaun iha  enkontru ne’e hateten, Ministériu Justisa no Procurador Geral da Repúblika-PGR, sira uza Orsamentu ne’e kuaze milahaun ida to’o milhaun rua, maibé Formasaun husi Ministériu hot-hotu as liu mak Ministériu Saúde, agora Doutor Espesialistas sira ba tuir formasaun hamutuk 279 formandu sira.

DG ne’e hateten ligadu ba implementasaun formasaun ba Funsionáriu Públiku sira iha  tinan 2022 ne’e sai referesia ida ne’ebé hatudu ezekusaun to’o 57 pur sentu, inklui ona Bolsu Estudu ba Formasaun de’it atinji 50 pur sentu, husi total Orsamentu $14.950.992.65 ne’ebé sentralizadu iha INAP. Tuir planu INAP nian ba tinan 2024 iha formasaun 5 de’it, atu responde ba liña Ministerial sira ne’ebé mak iha, ikus mai Formasaun ba de’it Ajente Administrasaun Públika no Funsionariu Públika sira.