Comissão da Função Pública

Diretor Nasionál Planeamentu Kuadru Pessoal iha Funsaun Públika, Francisco da Costa Pereira reprezenta Komisaun Funsaun Públika partisipa iha serimónia asinatura troka notas ba akordu projetu boot ba bolsu estudu ne’ebé fó husi nasaun Japaun.

Governu Japaun liu husi akordu ne’e fó ona bolsa estudu ba iha dezenvolvimentu rekursu umanus funsionárius Timoroan nain 40 resin ne’ebé fila hikas husi Japaun. No funsionárius nain 8 mak finaliza ona faze teste hein preparasaun atu ba kontinua iha estudu iha Japaun.

Iha serimónia asina troka notas ne’e liu husi diskursu, Ministru Negósius Estranjeirus no Kooperasaun, Bendito Freitas hateten, bolsa ne’e benefisiu bo’ot ba ita Timor tanba, hahú ita Restaura Independensia Nasaun Japaun apoia ba Timor liu husi ba bolsa, forma ona rekursu umanus iha departamentu oi-oin balun Lisensiadu, Mestradu no Doutoramentu.

Serimónia asina troka notas projetu bolsu estudu ne’e Ministériu Negósius

Estranjeirus no Koopesaun, Bendito Freitas ho Embaixador Japaun H.E.Tetusuya Kimura no reprezentante xefi JICA iha Timor-Leste office Dr. Mimpei Ito.

Partisipa iha troka notas ne’e mai husi Diretor Jeral INAP, Reprezentante KFP, Diretor Jeral Ensinu Superior no partisipante sira ne’ebé mak realiza iha kinta-feira, 13 Juñu 2024 iha salaun Nobre MNEK, Praia dos Coqueiros.