Comissão da Função Pública

Komisáriu portefoliu Disiplinar, Agapito da Conceição prezensa iha programa intrevista eskluzivu kona-ba, servisu konjuta husi KFP,KAK,PNTL no Diresaun Jeral Jestaun Patrimóniu Estadu atu kontrola veikulu Estadu nian iha studiu Jornal Independen, Hudi Laran.

Iha entrevista ne’e Komisáriu portefoliu Disiplinar esplika katak, funsionárius públiku ne’ebé hala’o servisu iha loron feriadu ka extraordinaria, sai husi oras regular servisu nian, tenke iha orden servisu husi superior Instituisaun ka Ministériu ida-idak nian, signifika legalmente iha autorizasaun maibé diretores to’o funsionárius liliu Diretur Jeral no Diretor Nasionál sira ne’ebé haruka motorista sira tula sira ba mai, ne’e viola dekretu lei Governu ne’ebé vigora. Tanba sira simu ona subsídiu transporte mensal, nune’e kareta Estadu para hotu iha edifisiu. Maibé Diretores balun sei haruka tula ba mai, no at liu mak tula nia família ba kompras no tula sira nia oan ba eskola ne’e hatudu momós katak, viola regras regular veikulu Estadu nian ne’ebé la’o hela.

Komisáriu husu ba públiku no individu ne’ebé hetan veíkulu Estadu iha tempu feriadu ou fora husi tempu servisu, favor hato’o keixa hodi investiga nia no fó sensaun disiplinar tuir Lei Funsaun Públika maibé, kona-ba krime nia ne’e prosesu envia ba Ministériu Públiku tetu no haruka ba Tribunal mak fó kulgamentu.

Komisáriu esplika, iha fulan kotuk KFP, CAC, IGE no Patrimóniu Estadu hala’o vizita surpreza ba Ministériu no Instituisaun Governu nian iha kapital no munisípiu ho objetivu atu haree besik liután Administrasaun Públika no indentifika ba buat ne’ebé la’o ladun loos, haruka hadia atu garantia boa Governasaun iha mandatu nonu Governu Konstitusional.

Diretor Jeral Investigasaun KAK, José Verdial liu husi intervista inklusivu ne’e hateten, ba funsionárius hot-hotu iha dever obrigasaun atu kumpri regras Estadu nian servisu tuir, iha makina Estadu ho konsiensia uza veíkulu Estadu nian labele se’es husi regulamentu dekretu lei Governu nian, ida-idak hatene an

katak, veíkulu Estadu nia aset Estadu la’ós privadu nian ne’ebé uza konformidade pesoal. Funsionárius balun uza veílulu Estadu nia la tuir regras formal husu ba públiku hetan, karik Ema sira ne’ebé halo hanesan ne’e hato’o keixa ba KAK, ne’ebé 24 oras loke nafatin hein keixa husi públiku, wainhira kazu hanesan ne’e tama diretamente rai no ba investiga iha nia Ministériu ka Instituisaun Governu nian ne’ebe nia servisu ba, komprova iha sira nia superior los duni lori nia ba prosesu disiplinar, maibé tama kategoria krime haruka liu husi Ministériu Públiku ba Tribunal hodi fó pena ba nia.

Komandante tranzitu nasional (PNTL), Luis da Costa partisipa entrevista eskluzivu iha studiu Jornal Independen nia responde perguntas husi moderador dehan, iha realidade funsionárius sira hot-hotu hatene katak, uza veíkulus Estadu nian la’o tuir dekretu lei Governu nia maibé, iha prátika tranzitu prende funsionárius balun liliu ba Diretor Jeral no Diretor Nasionál sei haruka motorista tula ba mai, tula nia oan ba eskola no tula fila ba nia uma inklui tula nia familia ba kompras iha merkadu no loja, ne’e sei akontese iha ralidade maibé iha check point sira informa ba malu se’es an husi fatin liu dalan seluk.

Tuir Dekretu Lei Governu nian, bandu labele para kareta Estadu nia iha uma, lori sai husi oras servisu ka tula ba mai ne’e klaru ona maibé, iha ita nia kakutak mak hakarak de’it aproveita oportunidade lakohi muda metalidade ida-idak nian kumpri lei Governu nia ho moralmente.