Comissão da Função Pública

Kinta-feira, 13/06/2024  – Komisáriu portefóliu ba asuntu Planeamentu Forsa Traballu partisipa iha serimónia entrega servisu Diresaun Jerál Komunikasaun Sosial ne’ebé hala’o iha Sala Reuniaun Vise-Ministru Asuntu Parlamentar Palasiu Governu, Dili.

Sesante Diretor Jeral Ponciano da Cruz Leite agradese ba ita hotu nia kooperasaun di’ak durante ne’e, agradese ba funsionáriu hotu nia kooperasaun di’ak durante ne’e, deseja ba Diretór Jeral foun, servisu hanesan hala’o tiha ona no dezeja mós ba diretór no funsionáriu sira atu nafatin koopera no servisu hamutuk ho diretor jeral foun.

Diretor Jeral nomeadu, Florindo da Costa agradese ba konfiansa Sekretáriu Estadu SECOMS no Komisaun Funsaun Públika ne’ebé mak fó ona konfiansa ida ne’e, superior ida nia mesak la bele halo buat ida sem tekniku sira. Obrigadu tebes mós ba sesante no garante katak servisu hamutuk sempre di’ak tanba ne’e hakarak servisu ho ema barak, iha esperansa boot ho orientasaun sira lori SECOMS ba iha susesu.

Komisariu KFP, José Telo Soares Cristovão hatete, natureza kargu ne’e la’ós prefeitu ba ema ida. lia-menon ba Diretor Jeral foun katak la’os haree ba komunikasuan sosial de’it au mezmu tempu sai mós duta KFP hodi transforma vizaun no misaun KFP no ba DG sesante susesu nafatin iha ita-boot nia iha karreira foun.

Sekretariu Estadu SECOMS, Expedito Dias Ximenes hatutan, SECOMS presiza ema ida atu sai jestor hanesan entidade másimu iha birokrasia mak Diretor Jeral, tanba ne’e konfiansa ne’ebé KFP fó la’ós oportunidade maibé, responsabilidade, ne’ebé responsabiliza tenki responde ba espetativa Estadu no Povu.

Serimónia entrega servisu Diresaun Jerál Komunikasaun Sosial ne’e marka prezensa husi Kargu Diresaun no Xefia iha SECOMS nian no iha mós sesaun tara tais nu’udar lembransa ba sesante no hanesan simbolu bemvindu ba Diretor Jeral foun.