Categories: Notícias

KFP Ensera Kursu Komputador Ba FP Nain 50 Iha Baucau

Reprezentante Komisaun Funsaun Públiku, Diretor Internu Diresaun Nasional Planeamentu Kuadru Pessoal iha Funsaun Públika,  Juvenal  Baptista  Mendonça hamutuk ho Diretor Jeral  INAP, Agostinho Letêncio de Deus no Diretora CTID Madre  Maria Filomena da Costa FDCC, ho Diretor Rekursu Umanu reprezenta Prezidente Autoridade Munisípiu   Baucau hodi ensera kursu komputador báziku ba funsionáriu públiku hamutuk nain 50 kompostu husi feto nain 5 no mane nain 45 durante fulan ida iha munisípiu Baucau, iha 06-12-2022.

Iha intervensaun husi reprezentante Komisaun Funsaun Públika, Diretor Interinu DNPQPFP, Juvenal Baptista Mendonça lori KFP nia laran, Prezidente no Komisárius sira nia  naran hakarak kongratula formandu no formador sira hotu ne’ebé konsege finaliza formasaun ne’e tuir tempu, no formasaun ne’e konsidera hanesan direitu funsionáriu públiku ida nian ba kada tinan ba oras 40. Ida ne’e esforsu ida husi Instituisaun ida ne’ebé identifika ninia pessoal sira ho komitmentu ida hodi partisipa iha formasaun durante ne’e.

Nune’e mós Diretor Jeral INAP, Agostinho Letêncio de Deus hato’o iha enseramentu kursu  komputador báziku katak, ida ne’e servisu hamutuk entre instituisaun INAP, KFP no FDCH liu husi akordu ida ba kapasitasaun sira ho sentru formasaun sira hodi responde ba ezijensia formasaun sira ne’e ba finalidade promosaun nian, ne’ebé mak sei la’o iha munisípiu hotu iha teritoriu nasionál.

Iha final husi atividade ne’e entrega mós sertifikadu ba formandu sira.

Share
Tags: Formasaun

Recent Posts

AAP 100 Tuir Formasaun Karakter Integradu

Díli, 11 Dezembru 2025 – Komisaun Funsaun Públika (KFP) no Ministériu Justisa realiza Formasaun Karákter…

7 dias ago

KFP-INSS Asina MoU Hodi Haforsa Liután Servisu Entre Sistema ba Seguransa Sosial

Komisaun Funsaun Públika (KFP) no Institutu Nasional Seguransa Sosial (INSS) nota entendimentu hodi kontinua fasilita…

1 semana ago

KFP Kontinua Hametin Kapasidade Funsionárius Públikus Iha Nivel Interna

Komisaun Funsaun Públika kontinua hametin no aperfeisoa kapasidade funsionárius públikus ba formasaun durante semana ida…

2 semanas ago

KFP Ninia Perspetivas Iha Divulgasaun Plataforma Asaun Feto Timor-Leste 2025-2029

Sesta-feira, 5 Dezembru 2025, Komisária Komisaun Funsaun Públika (KFP) Anita Tavares Ribeiro de Jesus partisipa…

2 semanas ago

Kargus Xefias no Funsionárius MPIE Nain 64 Tuir Formasaun

Dili, Segunda-feira, 24 Novembru 2025 – Ekipa kuadrilaterál boa governasaun, kompostu husi Provedoria Direitu Umanu…

3 semanas ago

Funsionárius SECoop Tuir Formasaun kona-ba Integridade no Prevensaun Asédiu Sexuál

Aileu, 21 Novembru 2025 – Komisáriu Portfóliu Disiplinár, Agapito da Conceição, hamutuk ho Inspetora Sonia…

4 semanas ago