Comissão da Função Pública

Prezidente Komisaun Funsaun Públika, Faustino Cardoso Gomes, Komisaria nain rua, sra. Maria de Jesus Sarmento no Sra. Carmeneza do Santos Monteiro, Sekretariu Ezekutivu Nelson Philomeno akompaña husi ekipa téknika hala’o enkontru ho Prezidente Parlamentu Nasional S.E Aniceto Guterres hodi entrega relatóriu anual KFP 2019 nian.

Tuir lei ne’ebe kria Komisaun Funsaun Públika katak kada tinan KFP tenki aprezenta relatoriu anual mai iha PN, infelizmente tinan ne’e aprezentasaun la tuir tempu ne’ebé define.

Hanesan ita hotu akompana situasaun nebe mak fora husi ita nia hanoin (situasaun abnormal) sira nebe mak evolui, la’o, aumenta tan ho pandemia COVID-19 ninian ne’ebé fo impaktu ba funsionamentu normal instituisaun nian, inklui mós KFP, tanba tenki kumpri regras prevensaun COVID-19 no regras Estadu Emerjensia no foin mak ami konsege mai aprezenta ba S.E. Prezidente PN, pedidu atu ba iha plenaria hatoo relatoriu 2019 nian,” hatete Prezidente KFP ba jornalista sira hafoin enkontru remata.

Iha okaziaun ne’e KFP hato’o mós felisitasaun ba Prezidente PN V lejislatura no ao mesmo tempo husu atu fo apoiu polítika moral nafatin ba iha KFP, Funsaun Publika no ba estadu ida ne’e oinsa atu servisu di’ak liu tan.

Relatóriu ne’e Prezidente PN simu ona no kompromente sei hasoru bankada sira atu marka plenaria, possivelmente tersa feira semana oin Komisaun sei mai halo aprezentasaun iha plenaria, hatutan Prezidente KFP Faustino Cardoso Gomes, (03/06/2020), iha PN.