Comissão da Função Pública

Mákina Estadu Timor-Leste enfrenta karga todan ho totál funsionáriu 70.000 resin. Ne’ebé desbalansu husifunsionáriu kontratadu hamutuk 40 mil, barak liu fali kuadru permanente ne’ebé iha de’it 33 mil ital. Kestaun ne’e problema mak Komisaun Funsaun Públika (KFP),  la iha kontrolu ba rekrutamentu kontratadu ne’ebé aumenta kada troka Governu, Komisáriu Komisaun Funsaun Públika (KFP), Jorge Paiva Araújo fó sai iha programa GRANDE ENTREVISTA ne’ebé ko’alia kona-ba “Reforma Obrigatóriu no Preparasaun ba Futuru” iha studio GMN TV, Bebora, Díli, iha kinta-feira, 05 Marsu 2026.

Komisáriu KFP ba asuntu pensaun no reforma, Jorge Paiva Araújo ne’e esplika, objetivu prinsipál husi reforma atu redúz karga finanseira Estadu nian ba saláriu ne’ebé sa’e maka’as, hadi’a efisiesia mákina Estadu hodi sai produtivu liután no kria oportunidade ba jerasaun foun hodi tama iha sistema Administrasaun Públika.

Komisáriu ba pensaun no reforma dehan, Komisaun Funsaun Públika (KFP) hahú implementa Reforma Obrigatória ba funsionáriu sira ne’ebé ho idade 65 ba leten tuir Dekretu-Lei N.º 9/2025 de 30 de Abril, ba uzu autorizasaun legislasaun ne’ebé konsede husi Lei n.º 7/2024, de 23 de outubro, hodi prosede ba segunda alterasaun ba Lei n.º 8/2004, de 16 de junho, ne’ebé aprova Estatutu Funsaun Públika ne’ebé mak iha artigu 116.º-A e 116.º-B, kona-ba sesaun ein relasaun servisu iha Administrasaun Públika ba limite idade, no tuir lei ne’e mós kompete ba Komisaun sei notifika ba funsionáriu ne’ebé mak kompleta ona idade 65 tenke informadu loron 90 antes, nune’e KFP bele ein koordenasaun ho Institutu Nasional Seguransa Sosial (INSS) hodi prosesa sira nia pensaun. Nune’e iha dezembru 2025 KFP halo ona despedida ba funsionáriu hamutuk 1.285 ne’ebé tama on aba reforma. Lei ne’e hahú vigora iha loron 1 Janeiru 2026 no Serimónia despedida hala’o ona iha Aileu (18/12/2025) hodi fó onra ba sira-nia dedikasaun. Pasu ida-ne’e marka istória foun hodi hadi’a efisiénsia mákina Estadu no kria fatin ba jerasaun foun.

Solusaun ikus mak Komisaun Funsaun Públika (KFP), hahú implementa reforma obrigatória iha 1 Janeiru 2026, hodi fó fatin ba jerasaun foun, forsa foun atu hasa’e efisiénsia, efikasia iha Funsaun Públika Timor-Leste.

Komisaun Funsaun Públika (KFP), husu ba entidade governu atu “onestidade polítika” hodi labele aumenta tan funsionáriu ne’ebé la nesesáriu.

Programa GRANDE ENTREVISTA modera husi aprezentador Francedez Suni.