Comissão da Função Pública

Prezidente Komisaun Funsaun Públika hamutuk ho komisaun organizadora Ministeriu Justisa halo vizita kortezia ba estabelesimentu prizaun Suai iha âmbitu komemorasaun loron Nasional Funsaun Públika ho tema “Impulciona o valor de Rehabilitaçaõ Social dos Reclusos Junto a Familias e Comunidade no Futuro, iha sexta feira, 14/06/2019, iha  Munisipiu Covalima.

Aktividade vizita kortejia ne’e hahú ho missa agradesimentu ne’ebé diriji husi Padre parokia Ave Maria Suai, Pe. Sebastião Noronha, iha kapela São Miguel Arcanjo Suai. Partisipa iha missa ne’e husi kargu diresaun xefia liñas ministeriais,  Administrador interinu ne’ebé hanesan Sekretario munisipiu Covalima, Miguel Armada Cardoso no komandante Polisia Covalima superintendente, António de Sá.

Hafoin missa, Prezidente KFP akompaña husi Diretor prizaun estabelesimentu Suai, Julião Dias Ximenes akompaña mós husi kargu diresaun xefia hala’o vizita ba prisioneiru sira iha bloku tolu, kompostu bloku A ema nain 16 Bloku B ema nain 18 no Bolku C ema nain 15 ho total prisioneiru ema nain 49 ho kategoria kazu krimi no violasaun seksual.

Prezidente KFP, Faustino Cardoso Gomes iha nia intervensaun hateten,  nu’udar  funsionariu no servidor sai atan  ba povu tuir nesesidade no la’os hatudu an hanesan liurai boot, tamba ne’e ho vizita kortezia ne’e atu halo reflesaun ba funsionariu públiku hotu atu mellora servisu hodi hatan ba espetativa  povu nian iha setór infraestrura, edukasaun, Saúde, agrikultura inklui setór importante seluk nune’e mehi libertasaun povu sai realidade iha periodu ukun an. Alende ne’e atu ekoraza prizioneiru sira atu hatudu komportamentu diak halo reflesaun nune’e bainhira reintegra ba fali komunidade sai sidadaun diak ba  familia  no komunidade.

Hafoin vizita kortezia ba rekluzus sira, fahe mós prémiu solidaridade husi ministériu sira hanesan MOP, Parlamentu Nasional, Ministériu Defeza, CNE, PCM. Premius sira hanesan televisaun parabola, guitara, Bola volley no bola basket  no sira seluk tan.

Iha oportunidade hanesan prizioneiru sira mós entrega kohe ne’ebé sira rasik human ba Prezidente KFP no konsidera importante no presija apoiu nafatin ba talentu prizioneiru sira nian atu dezenvolve diak liu tan.