Sexta – feira, 22-12-2023, Prezidente no Komisarius Komisaun Funsaun Públika akompaña husi Sekretaria Ezekutiva Sekretariadu Komisaun Funsaun Públika reuniaun ho Ministru no Vise Ministru Negósiu Estranjeirus no Kooperasaun hamutuk ho funsionariu MNEK nian hodi partilla kona-ba situasaun forsa traballu no jestaun rekursu umanus nian iha Edifisiu MNEK, Praia Dos Coqueiros, Dili.
Ministru MNEK, Bendito Freitas agradese no fo benvindu ba Prezidete KFP ho ninia komitiva tomak mai iha MNEK, no agradese prezensa KFP nian ne’ebé importante tebes ba IX Governu Konstituisinal ne’ebé tama ona ba fulan neen, atu governativa Administrasaun husi elementus hotu-hotu atu hadia, konsolida ba reforma ida ne’ebé nesesariu tebes ba prosesu servisu Funsaun Públika atu fó asistensia servisu ida ne’ebé ho lalais no profisional ba povu no nasaun.
Nune’e, iha intervensaun Prezidente Komisaun Funsaun Públika, Agostinho Letencio de Deus informa katak, 39 mil Funsionario loro-loron ami simu problema barak, problema ida mak digitalisazaun ba númeru, maibé iha Funsaun Públika hahú tiha ona lansamentu digitalisazaun dashboard realtime ba públiku iha fulan neen liu ba iha Loron Nasionál Funsaun Públika ba dasia nian.
Karik MNEK asesu, bele tama liña Komisaun Funsaun Públika nian iha ne’ebá bele haree ona MNEK nia total forsa traballu hira tuir grau ida-idak nian, nune’e bele ajuda MNEK bele hatene no atualizadu ho informasaun hirak ne’e, esplika Prezidente KFP.
Iha Enkontru ne’e mós diretur rekursu umanus MNEK informa mós ba Prezidente Komisaun Funsaun Públika katak, Funsionariu MNEK iha Pessoal 250 ne’e Grau A: 16, grau B: 64, grau C:47, grau D: 88, grau E: 22, grau F: 7 no grau G: nain 5. Funsionariu hirak ne’e MNEK destaka 102 iha Embaixada no Konsuladu sira iha rai li’ur no nomeasaun ba embaxidor sira hamutuk nain 20, nune’e relata mós iha funsionariu ne’ebé iha ona idade reforma hamutuk nain 20, no tinan oin mai sei aumenta, ba daudaun ne’e foin nain 4 mak hato’o ona rekerimentu reforma no prosede ona atu prosesa iha INSS.
Alende ne’e iha mós funsionariu nain 6 mak lisensa sein vensimentu, no agora sai ona husi MNEK. No funsionariu detidus na’in tolu, funsionariu mate hamutuk nain 4.
Nune’e planu 2024 rekursu umanus atu rekruta fali 49 funsionariu ba grau B nain 10. Grau C nain 12, no ba grau D nain 27.
Ministériu Transporte no Komunikasaun iha tersa-feira, (29/04/2025) –ne’e estabelese tan diresaun lima ba iha munisípiu…
Komisária Komisaun Funsaun Públika responsavél ba portefóliu dezenvolvimentu kareiras espesiais, Anita Tavares de Jesus Ribeiro…
29/04/2025, Kandidatus nain 792 konkore vagas 49 iha salaun Aikurus Binani, KFP ne’ebé ofisialmente loke…
Prezidente no Komisárius Komisaun Funsaun Públika akompaña husi Sekretária Ezekutiva no ekipa tékniku sira reuniaun…
Kinta-feira, 24/04/2025 – Komisária portefóliu ba Dezenvolvimentu Kareira Espesiais, Anita Tavares Ribeiro de Jesus sai…
Reuniaun trimestral GIA iha MF nebe organiza husi MDRHC hodi atualiza servisu inspetoria no auditoria…