Comissão da Função Pública

Prezidente no Komisárius KFP partisipa iha serimónia asinatura termu posse ba kargu Diretor Jeral Administrasaun no Finansas no Sub Inspetor Gabinete Inspesaun no Auditoria iha salaun Três de Março Maubai Comoro, kuarta – feira (27/12/2023).

Prosesu rekrutamentu ba vaga rua (Diretor Jeral Administrasaun e Finansas no Sub Inspetora Gabinete Inspesaun Auditoria) ne’e hetan aprovasaun bazeia ba porposta Ministériu Antigus Conbatentes Libertasaun Nasional ho objetivu atu prenxe fila fali fatin ne’ebé remata ona.

Konkorente ba Diretor Jeral hamutuk ema na’in ha’at ne’ebé kompostu husi feto rua no mane rua, Konkorente ba Sub Inspetora Gabinete Inspesaun Auditoria hamutuk ema na’in rua ne’ebé kompostu husi feto na’in rua. Tama ba iha faze entrevista iha konkorente nain tolu DJ maibe nain rua seluk la marka prezensa no iha Sub inspestora GIA mos ida seluk la marka prezensa iha faze entrevista.

Komisaun Funsaun Públika hanesan Mahon ba jere administrasaun públika liliu iha dezenvolmentu importante hanesan rekursu umanu nomós kultura servisu adminitrasaun públika nian, administrasaun públika la’ós foin hahú maibé iha tempu rezistensia hala’o tiha ona iha momentu ne’ebá, espera ho tomada posse ne’e bele lori inovasaun no kontrusaun ba dezenvolvimentu administrasaun públika, hatete prezidente komisaun funsaun públika.

Iha diskursu Ministru MACLN hatete, husu ba embosadu sira katak kna’ar ne’ebé ita bo’ot sira simu la’ós privélegio maybe ne’e responsabilidade, ami hotu iha ne’e sai sasin ba imi nain rua ne’ebe simu knar todan ida nee atu servi, hanai no hahi ba povu sira neebe lian ema la rona, ba sira ne’ebe hateke dook ema la hetan.

Ajenda ba serimónia asinatura termu posse ne’e hahú ho relátoriu husi Prezidente Juri, Leitura Decisão da Comissão Função Pública, Juramento dos emopussado, Asinatura termu posse no foto hamutuk, alende ne’e hetan mós partisipa husi kargu xefia sira, painél juri sira hotu no funsionariu sira.