Comissão da Função Pública

Komisária I-II Mandatu Komisaun Funsaun Públika, Sra. Maria Olandina Isabel Caeiro Alves ninia vizita ikus mai iha Komisaun Funsaun Públika hanesan memória ikus ba Komisaun Funsaun Públika hamutuk ho estrutura no funsionáriu tomak hodi relembra ninia kontribuisaun durante ne’e ba iha administrasaun públika Timor Leste nian.

Iha vizita ikus matebian saudoza Maria Olandina Isabel Caeiro Alves antes ne’e hahú ho misa requiem iha katedral Dili, no vizitas ba MNEK, CCF.

Vizita ikus mai iha KFP ne’ebé simu ho lia dadolin akompaña husi Prezidente KFP primeiru mandatu no Komisarius segundu no terseiru mandatu no Kuartu mandatu hamutuk ho estrutura no funsionarius KFP no reprezentante sira husi Gabinete Primeiru Ministru, Gabineti Terrestre no Maritima, Gabinete Ministru Justisa, Autoridade Munisipiu Liquisa hamutuk ho instituisaun sira seluk fó omenajen ikus ba saudoza Maria Olandina Isabel Caeiro Alves “Dau-Loe”, leitura biografia badak no mensajen husi Prezidente.

Iha omenajen ikus ne’e Prezidente Komisaun Funsaun Públika, Agostinho Letencio De Deus lori instituisaun sira nia naran agradese ba dedikasaun no sakrifisiu tomak ne’ebé Sra. Maria Olandina Isabel Caeiro Alves luta ba ukun an no iha priodu luta ba dezenvolvimentu ne’ebé hahu tinan 2009 asume kargu hanesan Komisaria iha Primeiru no Segundu mandatu KFP nian hodi enkoraza funsionariu ida-idak atu servisu professional, imparsial, no integridade. Maibé ohin Komisaun hamutuk ho funsionariu sira simu la’ós de’it ona hanesan Komisaria maibé, simu ho kontinense nu’udar “HEROINA IDA” ba Timor Leste. Dedikasaun saudoza nian hahú kedas husi profesora iha tempu Portugues no dezempeña papél iha media hanesan lukotora ba Radio Maubere no fundadora ba jornal Voz Timor.

Prezidente KFP haktuir, knar nu’udar komisária KFP hahú iha periodu Governasaun transzitoriu UNTAET no asume kargu hanesan komisaria Komisaun Funsaun Públika mandatu rua tuituir malu iha primeiru no segundu no ikus sra. Maria Olandina Isabel Caeiro Alves taka ho jornada funsionalizmu públiku ho titulu Embaixadora Timor Leste ba iha mundu. Jornada ba servidor Estadu ho mandatu ida hodi harií aliserse ba Komisaun Funsaun Públika, iha ambitu ida ne’e, 4 mandatu senti orgullu no espera KFP sei sai instituisaun ida forte iha Timor Leste, tamba saudoza nia konstribuisaun hodi haforti instituisaun ne’ebé retorna susesu iha kontestu jestaun rekursus umanus nian. Saudoza nia dedikasaun no maneira foti desizaun la hare ba koor, grupu no familia, sai nafatin ezemplu fundamental ba instituisaun KFP atu sai forte, rigor no justu. Ami sei rai nafatin memoria importante durante mandatu kona-ba foti desizaun hodi hatur regras no prosedimentu disiplinar, jestaun rekursu umanus espesialmente partisipasaun nu’udar juri ba Marça Funsaun Públika no traze Nasional Funsaun Públika ne’ebé konstitui hanesan tradisaun komum ida iha Funsaun Públika.

Prezidente kuartu mandatu KFP, Agostinho Letencio de Deus lori komisarius no funsionarius tomak nia naran hato’o agrdesimentu wain ba konstribuisaun no dedikasaun tomak no husu diskulpa karik iha momentu balun funsionariu sira halo laran triste, hirus no dezentendimentu ruma, iha momentu ne’ebé saudoza hamutuk ona ho anju santu sira iha reinu lalehan haraik perdaun, atu bele sai nafatin naroman hodi inspira nafatin servidor hot-hotu iha ambitu dedikasaun no protesaun servisu ba objetivu Estadu no ba povu Timor Leste. Dedikasaun luta ba ukun rasik an no kontribuisaun ba dezenvolvimntu Funsaun Públika sei grava metin iha istoria, hanesan HEROINA IDA iha Timor Leste.

Sra. Maria Olandina Isabel Caeiro Alves moris iha loron 02 fulan Novembru tinan 1951, iha Ermera no hatoku iss iha Malázia iha 31 marsu 2025.

Hafoin omenajen kontinua kedas ba iha jardin Herois da Pátria Metinaro hodi deskansa ikus iha ne’ebá.