Comissão da Função Pública

Isar bandeira ne’ebé realiza rutina kada fulan ba funsionarius Instituisaun hot-hotu iha Palásiu Governu iha segunda-feira, (07/04/2025), inspetor serimónia ba isar bandeira ne’e Vise Ministru Asuntus Parlamentares, Aderito Hugo da Costa destaka, dezempeñu ezekusaun 2025 nian iha primeira trimestral ultrapasa ona no iha situasaun balun ezije ita atu kontinua servisu makas hodi eleva ita nia dezempeñu iha instituisaun ida-idak ninan.

Liu husi IX Governu Konstitusional ne’e iha primeira trimestral, rejista pontus balun perante monu ba projetu Governu nian iha tinan ida resin nia laran, marka ona istória boot iha governasaun ida ne’e, ne’ebé ema hotu hatene seidauk másimu, maibé atensaun sériu husi Governu haree kestaun Administrasaun Públika Estadu nian, hateten Vise Ministru Asuntus Parlamentares iha isar bandeira.

Vise Ministru Asuntus Parlamentares apresia ba Prezidente KFP no Komisárius sira nia ajuda halo kontestu Adminsitrasaun Públika atu buka solusaun ba estandarizasaun no valoriza dezempeñu iha Administrasaun Públika.

Nia mós husu ba funsionárius públikus mantein responsabiliade ho kareira ida profisionalizmu, ne’ebé ema ida-idak iha no husu ba Diretor sira hotu tenke halo esforsu makas buka no kria sistema no kaer pozisaun ida ba implementasaun ida di’ak hodi kontinua halo melloramentu.

Vise-Ministru mós hateten, lei ba reforma obrigatoriu iha loron atus ida ualu nulu (180) liu ba Parlamentu autoriza ona no Governu aprova iha semana kotuk hein de’it ba publikasaun iha Jornal da Republika. Iha prátika simples estandarizasaun funsionamentu Administrasaun Públika dala ruma ita la konsistente halo implementasaun, mezmu ke sistema estabelese hela, maibé buka atu servisu makas.