Comissão da Função Pública

Konsellu Ministru aprova proposta dekretu lei promosaun antiguidade ba pessoal iha kareira Administrasaun Públika ne’ebé aprezenta husi Ministru Prezidensia Konsellu Ministru no Prezidente Komisaun Funsaun Públika iha kuarta-feira, 30 outubru 2024, iha Konsellu Ministru, Palásiu Governu, Díli.

Inisiativa legislativa ne’e atu asegura progresaun kareira ho motivu oi-oin, hanesan pessoal ne’ebé la konsege alkansa pomosaun baze ba méritu iha tinan hirak tuir malu. Rejime ida ne’e fudamenta liután ninia kritériu sira hanesan antiguidade, avaliasaun dezempeñu, idade, formasaun profisional, prestasaun servisu iha área remotas, bom komportamentu no asiduidade. Ba diploma ne’ebé define iha promosaun ba antiguidade ne’e sei realiza tinan-tinan, ba konkursu internu ne’ebé regula ona husi Komisaun Funsaun Públika hodi determina vagas ne’ebé disponivel ba kada grau no kategoria profisional.

Rejime promosaun ba antiguidade ne’e ho hanoin ida atu redúz estagnasaun iha kareira funsionárius sira, valoriza dedikasaun funsionárius sira nian iha tempu naruk iha servisus públiku, espesialmente ba sira ne’e’bé enfrenta difikuldade hodi partisipa konkursu konvensionais sira.

Alende aprova proposta rejime promosaun ba antiguidade nian ne’ebé fiksadu iha ajenda segundu, iha Konsellu Ministru aprova ona mós projetu rezolusaun Governu ne’ebé prorroga to’o 10 abríl 2025, ba suspensaun ensinu aprendizajen, prátika artes marsiais no eseramentu temporáriu ba iha fatin hot-hotu ne’ebé prátika artes marsiais no mós aprezentasaun matéria husi MSSI ligadu ba kumprimentu ba rejime inskrisaun no obrigasaun kontribuitiva iha ámbitu rejime kontribuitivu serguransa sosial.

Reuniaun ne’e hetan partisipasaun mós husi Komisárius Komisaun Funsaun Públika no Sekretária Ezekutiva.