Comissão da Função Pública

Destaka Prezidente KFP katak, KFP iha prioridade ida mak inkluzaun iha Funsaun Públika, ne’ebé liu husi apoiu KFP nian ba SEII ba rekrutamentu vaga konsege iha portador defisiensia aplika iha prosesu ne’e.

“KFP iha ninia prioridade ida mak inkluzaun iha Funsaun Públika katak, ema hot-hotu laharee ba situasaun no kondisaun fízika, hot-hotu iha oportunidade hanesan atu oinsá atu fo asesibidade ba sira. Ba prosesu teste tama iha funsaun públika KFP kria kondisaun, iha fasilidade komputador 200 ne’ebé fasilita prosesu teste rekrutamentu, promosaun no seluk tan,” destaka Prezidente KFP.

Sekretáriu Estadu Igualdade no Inkluzaun (SEII) ninia rekrutamentu ba konkursu públiku foin primeiza vez iha istória Funsaun Públika Timorense nian iha kandidatu ema ho nesesidade espesial “portador ho defisiensia matan no fíziku” tuir teste, lia hirak ne’e Sekretária Ezekutiva SKFP, Maria da Costa Oliveira hato’o iha abertura teste eskrita eletrónika iha Aikurus Binani KFP. KFP sei presiza atu esforsu, investe liu tan atu hodi maksimiza asesibilidde ho di’ak liu tan ba asesibilidade ema ho defisiensia sira ne’ebé mak iha, hanesan defisiensia matan, defisiensia fízika. Ne’ebé KFP servisu hamutuk SEII loke vaga rekrtamentu ne’ebé iha kandidatu ema portador defisiensia nain 4 hodi tuir prosesu teste. Situasaun, komputador ne’ebé mak iha seidauk kompativel tuir ezijensia, tuir ema ho defisiensia nian, tanba ne’e mak komisaun fó apoiu hamutuk ho SEII   realiza teste ao mesmo tempo destaka ninia matenek tuir  ninia konsiensia rasik ne’ebé mak iha, apneas kanaliza de’it saida mak nia destaka no entende kona-ba pergunta sira ne’e, esplika Prezidente KFP, Faustino Cardoso Gomes. 

Iha tempu hanesan Prezidente juri ba rekrutamentu públiku husi SEII, Benigna Maria Amaral hateten, SEII no KFP ninia servisu hamutuk hodi loke vaga ba rekrutamentu konkursu públiku ba funsionáriu permanente ne’e la taka dalan mós ba Asosiasaun Defisiensia iha Timor-Leste hodi aplika. Nune’e iha teste ne’e iha prosesu seleksaun ne’e iha ema ho nesesidade espesial nain 4 mak admitidu hodi tuir teste eskrita, nain rua defisiensia matan no nain rua seluk defisiensia ain.

Antes atu hahú ezame SEII ho KFP buka maneira atu oinsá bele fasilita ita nia maluk defisiensia sira maibé, ita nia língua mak labele tama iha sistema lingua tetun la tama iha google, entaun uza meius ida mak ekipa téknika sira apoia hodi akompaña maluk defisiensia, esplika Prezidente Juri husi SEII.

Tuir planu rekrutamentu husi SEII oferese vagas 17, kandidatus ne’ebé aplika vaga ema hamutuk nain 948, admitidu ba iha vaga ida ne’e ema hamutuk nain 428, kompostu husi feto nain 242 no mane nain 186, no eskluidu iha prosesu dokumentu hamutuk 520.

Teste ne’e sei la’o durante loron rua, hahú kinta feira, 27 to’o sesta feira 28 outubru 2022, iha salaun Aikurus Binani KFP, Matadouro, Díli.