Comissão da Função Pública

Komisaun Funsaun Públika liu husi Unidade Planu Peskiza no Observasaun iha Funsaun Públika ne’ebé lidera husi Komisáriu Komisaun Funsaun Públika asuntu ba Disiplinar, Fausto da Silva Freitas kontinua hala’o peskiza no monitorizasaun iha setór edukasaun iha munisípiu Manufahi.

Objetivu peskiza no monitorizasaun ne’e atu haree besik prosesu aprendizajen diariamente, rekursu umanu ka professores, fasilidades eskola sira, kostrusaun eskola ne’ebé fizikamente haree direta husi ekipa monitorizasaun no jestaun rekursu uamnus.

Ekipa ne’e kontinua ba terenu hodi haree direta situasaun iha eskola sira iha postu Turiscai no postu Same Vila, ba sesaun loron dahuluk nian ekipa hasoru malu ho administrador munisípiu Manufahi Arantes Isaac hodi informa objetivu peskiza refere hodi kontinua ba hasoru malu ho director edukasaun munisipal hodi rona direta kondisoens eskola, aprendizajen no sásituasaun mak professor sira hasoru iha terenu.

Eskola sira ne’ebé ekipa levanta dadus mak hanesan eskola sekundária tékniku vokasional Akadiruhun Same-Manufahi, Eskola Sekundária vokasional Halibur Betano, EBC Raifusa Betano, EBC Simpang 3 Betano ne’ebé rona direta situasaun professores sira nia aspirasaun liga ho reforma, remuneratóriu ba professores la tuir dalan, subsídiu lokalidade área remotas, extremamente remotas no muito remotas, professor voluntáriu, professor kontratadus, situasaun assume kargu sira, no kestaun interligadu sira seluk relasiona ho direitu professores sira nian.

Alende ne’e kestaun seluk liga ho númeru estudantes ne’ebé dala ruma la tuir remuneratóriu ne’ebé mak define, merenda eskolar, infraestrutura eskola, biblioteka no kestoens relevante seluk ne’ebé mak hato’o direta husi diretor eskola sira ba ekipa monitorizasaun no KFP hodi bele tur hamutuk ho MEJD hodi bele fó solusaun.

Atividade peskiza ne’e hala’o durante loron haat hahú tersa feira to’o sesta feira, (25-28/10/2022).